احسن وسيلة

لقيت صدي عندي أحسن وسيلـه

وصديت مبغي أزيد هرج وطلايب
ماهمني حملـي ولا هـم شيلـه
ولا همني زولٍ من الناس عايـب
ولا يهم كثـر المـال وألا قليلـه
ولأني مدور من ورآهم كسايـب
مني وفي أجروح صارت عليلـه
وبلاك لاجاتك من اقرب قرايـب
ملزوم عن ربعك تشيـل الثقيلـه
إن كنت ما ترضى عليهم غلايب
وألا البعيد أعطيه منـي حصيلـه
وما صد عنه ولأحسب له حسايب
إن زاد طيبي فيه بخلـي سبيلـه
وان شح طيبي عنه شاف الغرايب
ويأهل الحسد ياكاسبين الفشيلـه
يا مشعلين النار بيـن الحبايـب
انا لنفسي حكـم عقلـي دليلـه
يدلهـا درب السنـع والصوايـب
يوم الضعيف ايشب نـار الفتيلـه
والنار تسعر لين تصل القضايـب
وان ما طفت تحرق يديه وشليله
ولا له بها مكسب وصار السبايب
ومن شان سمعتنا بوسط القبيلـه
لكنها بالصـدر لوهـي لهايـب
تقدير ما هو خوف يا الطربليلـه
عزوتك في ربعك ولو كنت خايب
خلك لهم مثل السيـال الظليلـه
ومن دونهم درع تصد الضرايـب
وخلك لهم معروف راعي جميله
تذكر بخير وطيب لو كنت غايـب

للشاعر عايض العوفي ( ابو عاصم )

انني دائما اخرس
امام حروفك كـــ بستان الرتقال في موسم الربيع وعبير كلماتك تفوح وتملىء المكان
لك ولحرفك اقف دائما بأجلال
لك الود يسبقه الاحترام

اقتباس:

إن زاد طيبي فيه بخلـي سبيلـه
وان شح طيبي عنه شاف الغرايب
ويأهل الحسد ياكاسبين الفشيلـه
يا مشعلين النار بيـن الحبايـب

صح لسان شاعرها وناقلها
ودي لك

بحق راقت لي سطورك الجميلة
كل الشكر لاناملك
لروحك وهج النجوم
ولانفاسك عبق الورود
ولك جنـائن الجوري واللوتس
تقبل تواضع مروري
تحياتي الرقيقة لرروحك

حرف ثمل راقي
مميز
سلمتي ي مونه وسلم حرفكِ النقي
بإنتظار القادم
لكِ باقات من الورد ,

منورين

لاهنتوا