قال:الفراق ،وقلت : ابشر وفارقت

للراحلين جروح تبقى مع الوقت
/ ولا فيهم اللي رغم جرحه ذبحني ..

انا ذبحني شخص فاقده لا ضقت
/ اللي رحل عني وهو ما جرحني ..

قال : الفراق ، وقلت : ابشر وفارقت
/ ما طعت قلبي يوم قلبي نصحني ..

غرّب وأخذ معه السعاده ، وشرّقت
/ ليته بعد ما اقفت ركابه لمحني ..

وشلون اخايل يمته كل ما اشتقت
/ كثر إلتفاتي بـ القرايب فضحني ..

ياما حملت من الحزن فوق ما طقت
/ واضحك بوجه المقبل اللي نطحني ..

قبله : احسب أني قوي قلب صدقت
/ ماعاد يفرق من خسرت وربحني ..

وبعده : عرفت أني من الحب ما فقت
/ أذوب من حر الهوى لا لفحني ..

تدري وش اكثر ما جرحني مع الوقت
/ قصدي ذبحني ، اعتذر ما جرحني ..

أني بصمت اشتقت واشتقت واشتقت
/ كتم المشاعر والمكابر ، ذبحني

ذائقة رائعة
وانتقاء متميز مشاعر
سلمت اناملك للجلب

رغم ان حروفها ليست سعيده
الا انها تجسد المعنى الحقيقي في الوفاء
والمعنى الاصيل له

سلمتي لنا يالغاليه
ويسلم لي قلبك

يتمايل الياسمين شذى بجمال متصفحك
وتتراقص الورود متعطره بروعة ماطرحته أناملك
لروحك أطيب الورد واكاليل الزهر
معطره برقة طرحك

تسلم الايادي
ولآحرمنا جزيل عطائك
دمتي ودام نبض متصفحك متوهجاً
لروحك جنائن الورد
واأمنيات بايام أجمل

صح منقولك
يعطيك العافية وتسلم الايادي
على روعة طرحك الجميل
دوما في انتظار لكل جديدك