آه يا بلد
يا بلد الغسالتين والشاشتين والتلاجتين والديب الفريزر وانتم مديونين
يا بلد ال 100فوطة و30طقم سرير
يا بلد غرفة الأطفال قبل ماييجوا
يا بلد السفرة وانت عمرك ماهتاكل عليها
يا بلد النيش اللي مش هنطفح فى حاجته
يا بلد الصباحية والمواسم والبرطمه عالبنات واكثرخلافتها
بسبب الموسم اللي مجاش والصباحية اللي ناقصة
يا بلد الشيكات بدون رصيد والغارمين والغارمات
يا بلد بتاعة زيارة مقابر يوم الخميس للتباهى والزينات والمقابلات
يا بلد شغلة اكثر شبابك بقت القهاوى والمخدرات
يا بلد ياللى مبتتكلموش الا على الشريف وبتنافقوا الفسده
يا بلد الشريف خلتيه حرامى والحرامى بقي شخصية عامة
يا بلد اكل حق البنات عينى عينك وكأن دا الحق
يابلد ملهاش شغله الا القيل والقال
يابلد مبتتطلعش من خطبة الامام الا بالهايفه
يابلد بتاعه واذا لقو الذين امنوا قالوا آمنا واذا خلوا الى شياطنهم قالوا انا معكم
يابلد ملهاش شغلة الا سيرة الناس والكلام على بعضينا
يابلد اكثر متعلمين فيها هتموتهم المظهرة ونفسهم يغمضوا ويغتنوا ولو بالحرام.
يابلد اللى الصغير فيكى عاوز يتصدر المجلس
ويعمل لنفسه حيثًـيِّةّ وكانه العالم العلامه الفاهم الفهامه....
يابلد اللى بياخد فيكى دكتوراه هيموت لو متقلوش فى المجلس يادكتور
يابلد بعض اطباءك مرضى نفسيا وبعض مهندسينك عاوزين تقويم
وكثير من محامينك ينقصهم الاخلاص فى النصيحة
والقانون مش حكر عليهم وخطباؤك محتاجين لم الشمل وميتكلموش على بعضهم.
يابلد حتى بعض الصنيعية اللى يكون معاه قرش ماشى متكبر
وحاسس انه حاجه عشان اشترى قيراطين هنا وهناك
يابلد متوزنوش الناس بفلوسها اوزنوها بأدبها وعلمها
تحياتى : خالد الشاعر