ياللي تقولون الهوى ضحك و مزوح

ياللي تقولون الهوى ضحك و مزوح
قصيده للمبدع غازي الميموني


ياللي تقولون الهوى ضحك و مزوح
ترى الهوى ما يعرفه كل مزاح
اصل الهوى معناه روحين في روح
به تندمج كل المشاعر و الارواح
حتى يصير الباب للقلب مفتوح
بابن له شعور المحبين مفتاح
والقلب يمشي له على غير مصلوح
يتبع هوى مغليه من وين ما راح
و انا هوى بالي معي وين ماروح
طيفه معي باحزان عمري و الافراح
ياكثر ما يخطي و انا اقول مسموح
كل الزعل لاقال لبيه ينزاح
انا اشهد ان الحب لوعات و جروح
و انا اشهد انّي منه ماني بمرتاح
لكن ياللي كل مافيك مملوح
ارفق على حالي ترى الحب ذباح
يا ابو جديلن فوق الامتان مطروح
ياللي جبينك كنه النور وضاح
خدك بليلٍ مظلم ولامعه ضوح
اليا لمحته كنه البرق لا لاح
اشوف خدك في دجى الليل بوضوح
نوره أليا بان ولا نور مصباح
وعينك دواء قلبي ليا صار مجروح
ورموشها تجرحني بشلف ورماح
شفت التناقض كيف ياغاية الروح
تجرح وتذبح وانت دكتور جراح
عزالله اني عن شقى الحب منصوح
لكن قلبي ما سمع كل نصّاح
اثر الهوى يودعك في سدك اتبوح
وفيه الخساير فوق ضعفين الأرباح
لا تحسب الخاطر من البعد مشروح
تراي اجاوب نايح الورق لاناح
حبك بنى في قلبي ابراج و صروح
و سيطرعلى قلبن للأسرار ما باح
واسرني وخط احرف اسمي على اللوح
اسير حربٍ مابها جيش وسلاح
حربٍ ضروس ولا بها دم مسفوح
لو ان فيها سيف ساطي وسفاح
اول ضحاياها بلاحق مذبوح
قلبن يجازي صادق الود بنصاح
قلبي عليه ظلوعي تصيح وتنوح
واقصى الظلوع يزلزل الأرض لاصاح
لكن ياللي كل مافيك مملوح
ارفق على حالي ترى الحب ذباح

سلمت اياديك لجمآل الطرح
يعطيك العافية ع المجهود المميز

وآفر الشكر
..

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه

إنتقاء مميز
سلمت يدآك..
على جميل طرحك وحسن ذآئقتك
يعطيك ربي ألف عافيه

طرح جميل وموفق ربي يعطيك العافيه
ولا ننحرم من جديدك الدائم
تحياتي

,,~
رووووووعه
طَآب ليٍ آلمَكوثْ حقآ هَنَآ
رآآآقٌ ليِ مآسطرتَـه هذه آلحَروفٌ
سَلَمِتْ أٌنآملِـگ عَلَى الـآنتقآء آلمميٍـز
لـآحُرمنًآ آلمولى هًذآ الهطًول آلجمَيـٍل
لروَحِـگ گـلً آلـوَد و
محًبتيٍ وآحتَرآميٍ
,,~