يامالكة القلب بإيديكي
وليكي سنين سكنتيني
ياجاية حورية م الجنه
ونور نبضك مغطيني
منيش ناسي تفاصيلك
ونظرة عين بتحييني
ولما تسلمي قلبي
بلزمه ضحكه كالألحان
ألاقي روحي بتغني
وبتقولك أحبيني
أجيبيني ؟!
مفيش مرة خطرت البال
وقولتى وحشني لو مرة
مجتش فى حلم بلاغيكي
بغمزة حب أو نظرة
مجتش مرة وف بالك
كأني عريس فى شهر الحب
سافرنا حتي لو برا
وحق العشق والعشرة
ما لحظه في عمري انا نسيتك
وكل ما أنادي يوم إسمك
أحس لوحدي ميت حسرة
ياوردة في غصون الشعر
ياواخدة في إمتلاكي ارقام
مابين جيد أكيد جدا
وواخدة عشرة على عشرة
قوليلي إزاى ؟!
مبتحسيش غرام قلبي
ونبضي لما يكتبلك
دة كل الورد غار منك
إذا إتكلم و جت سيرتك
وحتى القمرة في سماها
بتزعل لما أشوف صورتك
قوليلي إزاي ؟!
بيتحمل بقى قلبك .. ولا يدقش
ويجي الليل عليكي كتير .. ولا يحنش
أكيد روحك بتتمني حاجات ياما بنحتاجها
تفكي شعرك الساحر ..
تسبلي حتي لو لحظات ..
فيحضرلك خيال مني ..
بصورتي يحضنك لساعات ..
فكم هيهات .. مع التنهيد .. يليها آهات
فأرجوكي بلاش تسويف عشان نعشق
فكم عاشق ما طالش ومات ..
فلو منك يدوب كلمه تبل الريق
هتلقي رياحي متصدش
قوليلي إزاى ؟!
بيتحمل بقى قلبك .. ولايدقش
كتير بتمني أحكيلك
وأوصف نومتك المش فايقه جوايا فى سكون الليل
كتير بتمني أغنيلك
أغاني سوما لما تحن ورشدي لو يقول موواويل
كتير بتمني أنا أجيلك
وأكون فارس لأحلامك وراكب خيل
أكاد أجزم بإن الخلق
من نورك بتمشي وراكي تتونس بطهر الروح
وكم عاشق رمي شباكه
ومفيش فايدة وعاش مجروح
وكم واحد بدا الإعجاب ..
وكم ليله وقف ع الباب ..
وياما فى الحشا أسباب
تخلينا بنبكي بنوح
لكن قلبي !
بقاله سنين علي صبرة
مكلش مرة من وصلك
بطوف روحك ليالي طوال
وعارف قد إيه أصلك
فمن فضلك .
تسيبي القلب ينبض لك
ويكتب لك مشاعرة حروف
ومن غير خوف
فلو تسمح معاليكي بإنه يبوح !
يا حوريه ونورك فاض
ياريت يبقي مابينا ميعاد
أفضفض ليكي عن حالي
وأحكي تعبي م الأيام
وأشرح لك ظروف وضعي
وأرسملك خطى الأحلام
يجوز يبقى مابينا كلام
وقلبك ينشغل بيا
وتتفسر رؤي الأحلام
____________
تامر النقيب
خربشات نقيبيه
20/4/2024
عضويتي 
حورية نورانيه بقلم تامر النقيب
العرض العادي
