عودة للطفولة..

قصة من واقع الحال ايام زمان

جانت الجرباية موجودة بكل بيت عراقي
ويصعد البنات العصر ويرشن السطح
ومن تغيب الشمس يصعدون الدواشك علمود يبردن شوية ورة شوية تصعد العائلة وتصعد وياهة صينية الركي الزين. بعد ماتعشوووو.....
ويصعد الحجي ويكول وين الجاي......
ويصعدون القوري الجاي المهيل
مو الحجي يدخن ....وتبقى تسولف ويانة الحجية
لحد مانام .... نكعد الصبح الشمس تصكع بيك وننزل ركض تريد تكمل نومتك تتفاجئ بلحجية تكلة يلة مامة غسل وتعال تريك علمود تروح للمدرسة
انتة تنعقج بس مغصوب.....
ادري بيك جاي تقرى وتضحك وتذكر هاي الايام الحلوة كمل القراية....
تگعد ساعه ظ¦ و نص الصبح و تطلع ب ال ظ§ ونص و تروح مشي للمدرسة
چنت تنتظر امك و هيه تحطلك اللفه ب الجنطه و تطلع
چانت المدرسه ظ¦ دروس و تعب بس ما چنا نحس بشي و اذا غاب الاستاذ اكبر فرحه تصير
چان حايط الصف نكتب عليه اسامينا و راسمين قلب حب عليها
چان الخوف من حل الواجبات اكبر خوف لان الاستاذ چان عنده رهبه چبيره
چانت الفرصه اكبر فرحه عدنا چنا نركض نطلع من باب الصف حسبالك طالعين افراج من السجن
چنت احط ايدي على چتف صاحبي و نروح چانت ضحكتنا راس مالنا و ماكو مكان للهموم جوانا
چان الواحد يروح تعبان للبيت و يذب الجنطه ب الباب و يصيح يووومه شمسويه اكل
چانت الطوبه مال منطقه نايلون و بس الطاگ عنده طوبه كبس و الگول طابوكتين و واكف وراه واحد يصغر و يكبر بي بكل هجمه و الملعب بنص الشارع و السمين يوگف گولچي
زمااان
جانت بنت الجيران حلم تتكوشخ من تمر اگبالها وهي تحس نفسها أميرة ماكو بحلاتها وجمالها .. وانت تتحين الفرصة بس كون تحجي وياها لو تشولفك زوية يم بيتهم تحضنها هناك
وجنت اتخاف من اخوها الجبير لا يعرف بيكم ..ومن ترجع للبيت فكرك يمها بس لا احد شافنه
‫ï؟½العشا خفيف‬
ترجع اتشوف امك يم طاوتها تقلي بتيته وطماطة وخبز وجاي
‫و تگعد تنتظر امك تسويلك املاء‬
‫كل ما تشوف طياره تسلم عليها و تگول مع السلامه‬
‫چنا ننتظر نصير بصف الخامس حتى نكتب ب القلم الجاف‬
‫تسئلك امك ساعه شكد تگللها الچبير ع الاربعه و الزغير ع السته‬
وجانت ليلة العيد الها خصوصيتها
نخلي البنطلون جوه الدوشگ حته ينكوي لان ماعنده اوتي
ونلبس البجامة البازة ويامن يجيب الصبح حته انروح ناخذ عيدية وللدواليب لو العرباين مال الاحصنة نركبها
ومرات من التعب نغفه وبدينه نص كيكة لو ايدينه كلها نستلة ممرودة
‫ï؟½نحس بإنجاز وفرح وشي عظيم إذا طلعت الشمس واحنا بعدنا ما نايمين‬
‫ننتظر الامتحانات علمود ماناخذ جنطه‬
‫و ننتظر النتائج علمود نكشخ من نروح ناخذها‬
‫اكيد سويت شي منها او تقريبا كلها‬
‫من چنت زغير رسمت الشمس بزاويه الورقه‬
‫چنا نسد باب الثلاجه شويه شويه علمود تعرف شوكت يطفى ضواها‬
‫ï؟½حاولت توازن مفاتيح الكهرباء بين ON و OFF‬
‫اذا واحد من اهلك طلب منك مي يشرب تشرب شويه قبل ماتدخل و تمسح شفتك علمود محد يعرف شربت منا‬
‫ï؟½اكيد انت تبتسم الآن على هاي الايام الحلوة .‬
‫ï؟½وما ننسى قمة الفخامة ايام الابتدائيةï؟½لما ينطيك الاستاذ طباشير و أوراق ويگولك وصلها للاستاذ في الصف الثاني الي يمناï؟½تفوت عالصف گدام الطلاب وتحس حالك مبعوث من الأمم المتحدة ‬
اكيد هسه انت/ي تبتسم و رجعت شريط ذكرياتك و حسره بداخلك
لان چنا على نياتنا و گلوبنا صافيه خاليه من الحقد و
المصالح احلا شي اكلوبنه صافية

طرح رائـــــــــع
ومجهود مفعم بالجمال والفائدة
يعطيك العافيه على هذا التميز
خالص شكري وتقديري

-












سلمت الأيادي ..
ويعطيك العافية لـ جمَال الآنتقاء
لروحك جنائن الورد .

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

تسلم الأيادي على ما قدمت
ننتظر جديدك بكل شوق
تقبل مني أعطر التحايا

سمأأأأأرا