قصائد الحب

يا أنيقه آسف بشده على هالحوسه
غرفتي تشبه كثير أوضاعي المحيوسه
ما توقعتك أبد بتجين فاجأتيني
عالعموم الله يحيّي الطلّه المحروسه
وقّفي لحظات بين عيوني التعبانه
لين أرتّب لك أريكة قلبي المشموسه
واجلسي بين الزراير والحشا الافريقي
وائذني للبكي .. بيذاكر معاكِ دروسه
شاعرك .. فوضاه علّمته يرتّب حبّك
أنتي .. ثمّ الحزن .. ثمّ دموعه المحبوسه
والدّموع اللي على وصلي ووصلك تنزل
ترفع بنزولها أعلامنا المنكوسه
هذا إنتي ماني مصدّق .. ولا ني مكذّب
آه من برد الشتا ورياحه المتروسه
وايه حنّا ناس غير الناس يا حوريّه
روسنا ما هيب لضعاف البشر مريوسه
لا افترقنا نبتسم وليا التقينا نبكي
ويا فديت جنوننا واشياءنا المعكوسه
مرحبا .. ترحيبة البدو العزيب الرحّل
بالمطر .. لاوّل هشيم الماحله المعبوسه
صح هذا انتي وهذا عطرك السمياكي
وهذي بوهة وجهك اللي بالضحى محموسه
وهذي ربطة شعرك البيضا .. وذي خصلاته
كنّها في زيت زيتون الشفق مغموسه
ما تغيرتي وهذا المعطف العنّابي
وهذي ساعة يدّك المحظوظه المنحوسه
لا هي اللي طالت أصابعك وتشابكها
ولا هي اللي قريبه من عاتقك وتبوسه
وهذي مشيتك اللي من صغرك ما غيّرتيها
هالبشر يخجل يضر القاع ولاّ يدوسه
الجمادات الرذاذ .. تهمس لا مرّيتي
مرحبا يالناعس المحشومه الطاووسه
هذا انتي ماني مصدق ولاني مكذب
لا تلومين الحواس الشرّد المهووسه
كل ما غنن لي الغيّد بصوت مواصل
شلّها قلبي وركّبها على منكوسه
صورةٍ في البال لك كم عام تتخيّلها
أقرب احياناً من المحسوسه الملموسه
وانتي لو ما كنتي فيدّي ولا كنتي لي
لحظتك عن عام .. كل ليله مع عروسه
لانّك الأفخم إسم .. والأبسط انسانيّه
ولانّك الوجه التقي .. والطيبه المغروسه
ولانّي أحبك محبة عمق .. ما هي نزوه
أسمى من حب الجسد .. واهل الهوى ونجوسه
يا أنيقه .. آسف بشدّه على هالحوسه
لهجتي تشبه كثير أوضاعي المحيوسه
ما سألتك ليه جيتيني .. ولا ضيّفتك
ما ابي أخرّب على جو الوصل وطقوسه
ليه جيتي أسألك .. وانا اعرف وش جابك
طاب شجر الغاب والحطّاب قرّب فوسه
لا تقولين اني أرخصتك .. وانا ما ارخصتك
ولا تقولين اشتراك المشتري بفلوسه
ولا تقولين ان هالمره .. هي آخر مره
اتركي لي حلم بعد احلامي الميئوسه
انا شاعر .. حلمه اللي سوّا منّه شاعر
الذهب والعالم الجديد .. دم ضروسه
يا أنيقه .. لو خذوك وسافروا بك عني
الارض صدري .. والسفر من قوسه ليا قوسه
ليت صيت الجد ما ينفع سخيف احفاده
وليتها هالحين وان الكل شارب موسه
وليت .. نقطه نقطه نقطه نقطه نقطه
ما ابي أغلط في الزمن والعالم المنفوسه
ما اعرف ش اقول .. ولا اعرف ايش اسوّي
الحزن .. طلّت من ابواب الليالي روسه
انسي كل اللي حصل هاللحظة وضمّيني
يا خسارة عمري اللي راح ويا ناموسه
والله ان امه دعت له عند باب الكعبه
واحدٍ حطّك في بيته يالغلا عروسه
لسعد علوش

أحبك كثر ما قد صار احبك رغم ماقد ماصار
أحبك كثر ما دنيا الزعل والصد مهجوره

أحبك كثر ما تمطربصدري من غلاك أمطار
أحبك كثر ما صارت أراضي العشق ممطوره

أحبك كثر ماتفتح شبابيك الربيع أزهار
أحبك كثر ماغنت عشان الصبح عصفوره

أحبك كثر ما تقف على جنب الطريق أشجار
أحبك كثر مايقسى الشتاء وتهاجر طيوره

أحبك كثر مافي الارض بنت تلفت الأنظار
أحبك كثر مايرتاح عطربصدر مغروره

احبك كثر ما جاب المساء في معطفه زوار
احبك كثر ما جانا الصبح يشبهك نوره

احبك كثر ماتهدي كفوف الوصل من تذكار
احبك كثر ماشالت يدين العاشق زهوره

احبك كثر ما نقرأ عن الفارس عن المغوار
احبك كثر مانسمع ولاشفنا ولا أسطوره

احبك كثر ماتلعب بدنيا العاشقين أقدار
احبك كثر ما ..ذا الحظ يلعن قصوره

احبك كثر ما عاثت رياح بحسبة البحار
احبك كثرما البحار يعشق نسمة بحوره

احبك كثر ما يتحلف اللي منشغل باعذار
احبك كثر ما في الناس ناس بجد معذوره

احبك كثر ما ملت قصايدنا من التكرار
احبك كثر ما الشاعر تمنى حب جمهوره

احبك كثر ما شفنا على وجه الزمن آثار
احبك كثر ما قلناعن الاحوال مستوره

احبك كثر ما دارت بذهن الحالمين أفكار
احبك كثر ما في الخيرناس بالخير مذكوره

احبك كثر ما نرمى حكايات الحطب للنار
احبك كثر مانسمع حكايات حب مشهوره

احبك كثر ما ضاق السجين بلعنة الاسوار
احبك كثر ماهاج البحر واجتاحته ثوره

احبك كثر ماننسى واحبك كثر ما نحتار
احبك كثر مايسهر محب وفي يده صوره

احبك كثر ما تقطع شفاتك في العسل مشوار
احبك كثر ما خدك يخلي الشمس مبهوره

احبك كثر ما روج عليك الحسن من أخبار
احبك كثر ما صدرك يدوخ الورد بعطوره

احبك كثر مافي عينك من السحر والأغوار
احبك كثر ما فيك الغلا ما وفت سطوره

احبك والزمن ساكن واحبك لو زماني دار
احبك يا مدينة حب وسط الصدر معموره

احبك والتفت شاعر لعينك وانطرت أشعار
حلف ما يمسى الليلة قبل ما يكتب شعوره

ورتبتك بصدري وأنت تستاهل وراعي دار
تفضل قلب اوراق الغلا وايديك مشكوره

وذكرتك وانت لومثلك ذكرته هلت الانوار
وقمت أجمع من أشواقي قصايد عشق منثوره

تلبست الجمال وقلت ابهديك القصيد ازرار
غلاك وصدق حبك ماترك لي نفس مكسوره

انا عاشق جمال وما خفاني في الجمال أسرار
انا لامن كتبت اعطيك واعطي العشق بك دوره

كتبتك في القصيد ابيات من حسنك عليك تغار
حروف العشق طفلة في ثياب العيد مسروره

لقيتك والدلع والثقل شله والحسن ثرثار
يقول أشياء كثيره للعيون ويثبت حضوره

كفاية لو تطل ويفرح بطلتك دار وجار
كفاية لو تشوف الناس في نظرتك مأسوره

غرامك يغري حروف سقاها الصدق منك امطار
كتاباتي بتشهد للغرام وتحفظ عصوره

احبك مهما ابتعد عني بسبة الاقدار
احبك واحبك لوحبي توصله لك طيوره

احبك رغم ما قد صار .. احبك حيل مهما صار
احبك دام انا طيب .. واراضي العشق ممطوره

كتبت اسمك على روحي وحبيتك من الأعماق

أشوفك ماخذ قلبي وكلك ماخذ افكاري

بعبر لك عن اشواقي وأشوفك أصدق الأشواق

وأشوفك يابعد روحي حبيب وأجمل أسراري

سكن حبك هوى فكري وبعدك شي ما ينطاق

أنا دونك حبيبي شي ماله اسم أو طاري

بدت أيامي تتفاءل وعطر السعد لي يشتاق

معك انسى اللي بالدنيا وأنت جنتي وناري

عشانك أحرق همومي مثل ماتحترق الاوراق

عشانك أوقد شموعي تضوي دنيتي وداري

عسى ربي يسلمنا حبيبي من ألم الفراق

واذا كانت محبتكم شقا فهذي أقداري

واذا ضاعت عناوينك حبيبي الشوق لك ينساق

ترى كلك عناويني ودرب الشوك أزهاري

حبيبي وحبي الاول تراني لشوفتك أشتاق

أبيع اللي بهالدنيا وأجي لك للوصل شاري

أحبك وأعشقك والله كثر ما قالوا العشاق

أحبك يابعد كلي حبيبي ومشعل أفكاري

أسولف بك مع أحلامي وأسولف بك مع الأشواق

وازين حرفي بحرفك وأحطك بأول أشعاري

يجيب السفر طآريك يآحي ذا الطاري

وأنا بين تغميض العيون ومدامعها

غريب السفر والأغرب إحساسه الناري

ياكم ناس فرقها وياكم ناس جمعها

فـ على الرغم من كمية الكبت الإجباري

يبين شعور النآس لما توآدعها

وانا لا بكيت البكي صدقي وإصراري

أحس إني انظف خلق ربي وأروعهآ

ترى الشآعر لياï»؟ حب ينجن ويمآري

مثل من معه ثروه ويبغى يوزعها

أحبك وإذا ماكنت داري انا داري

أنا كل يوم اقولها لو ماتسمعها

حبيبي .. حبيبي للوفآء بايع وشاري

تخون النفوس مالقت شي يمنعهآ

هداياي .. كتبي .. بآقي أغراضي .. أشعاري

إذا انّا افترقنا طآلبك لاتقطعها

تبرع بها لو ما أنت راغب ولاضاري
لعل وعسى تلقى لها ناس تنفعها
لسعد علوش

لآ من لمحته ، قمت أرحب وأهلي
و أجيه من أقصى الضمآير وأحبه !!


وَ اللي يقول : آلحـُب دربـه تغليّ
السيطره خارج نطاق المحبه ,,

يشتاق لك قلبـي وتشتـاق عينـي
واوله على همس الشعر من شفاياك

همسك يبدد هاجـس الشـك فينـي
شف وشكثر قلبي على البوح ينخاك

أسكب شعورك لي عشق وأحتوينـي
وانا أشعل أشموعي وله وأتحـراك

ابيـك كلـك فـي يقينـك تجينـي
وتاخذ وتعطيني غلا كثـر ماجـاك

يعني حبيبي بس انـا اللـي تبينـي
يعني ماحد ليه شريـك(ن) بدنيـاك

عيبـي اغـار وغيرتـي تعترينـي
وافقد صواب العقـل والفقـد فتـاك

أدري خطـا لكـن خطـا مبتلينـي
عجزت اغيرني لجل اكسب ارضاك

تعـال عاهدنـي وهـاذي يمينـي
على العهد نبقـى حبايـب وحيـاك

لك همس نبضي لك عطر ياسمينـي
ولك بوحي الصادق على الحب يلقاك