الي من يريدون تركيب كاميرات في الفصول لمراقبة المعلمين
تعالوا نقول لكم تراقبوه امتى وفين
راقبوه وهو مطحون الصبح في المواصلات
راقبوه وهو بيتكتب غياب علشان خمس دقائق تأخير
راقبوه وهو شايل جدولين جنب جدوله
راقبوه وهو منتدب لمدرسة تانيه غير مدرسته الاصليه وواخد فيها حصص واشراف
راقبوه وهو محشور وسط ظ¨ظ طالب في الفصل
راقبوه وهو بيحلق على الطلبة اثناء الفسحة
راقبوه وهو بياكل ساندوتش في دقيقتين علشان يلحق يطلع حصته في الدور الرابع في المبنى التاني
راقبوه وهو متغرب في المحافظات لمراقبة الامتحانات
راقبوه وهو بايت في استراحة هى اقرب للحظيرة
راقبوه وهو بيصحح الآلاف من أوراق الامتحانات
راقبوه وهو لحد انهارده ماصرفش حقوقه عن امتحانات العام الماضي
راقبوه وهو طول السنة مش عارف ياخد اسبوع إجازة لأن أقصى حدوده هى اربع ايام والا مايستحقش الحوافز
راقبوه وهو بيتذل ويتقهر ويدوق المرار الطافح في شغل بعد الظهر علشان يكفي ابسط احتياجات اسرته
راقبوه وهو قاعد مع مراته بالليل بيحسبوها بالسحتوت علشان الفلوس تكفي الشهر ومايتفضحوش
راقبوه وهو بيتهرب من محصل الكهرباء والغاز لو جاوءا في منتصف الشهر أو قبل صرف الرواتب
راقبوه وهو بيعمل جمعية علشان لبس المدارس لأولاده .
راقبوه وهو مش قادر يتعالج في مستشفى المعلمين اللي مبنيه بفلوسه اصلا
راقبوه وهو بيشتغل على توكتوك أو في قهوة بلدي
راقبوه وهو بيتهدد ويتهان من مسؤولي الوزارة ليل ونهار
راقبوه وهو بيطفح الدم علشان ياخد مرتبه على أساسي نفس العام ومع ذلك ولا سألتو في اللي خلفوه
راقبوه وهو بيصرف مكافأة نهاية الخدمة ومرتبه يخص التلتين او اكتر بعد ما ضاع عمره يؤدي أنبل الرسالات
كفايه كده ولا نقول كمان ؟!
اعلموا ايها النواب الموقرون أن كل ما سبق كان جزءا من الحقيقه دون الدخول في تفاصيل
عموماً طبعا ده شغلنا ووظيفتنا اللي بنحبها وكنا ومازلنا وسنظل نعشقها ونمارسها حتى نهاية العمر الوظيفي
ولكن ياريت الناس تراعي ده كويس اوي
والحقيقه انا مش لاقي وصف مناسب أوصف بيه شخص عاوز يصرف ظ،ظ¢ مليار جنيه
لتركيب كاميرات مراقبه في الفصول بحجة مراقبه أداء المعلمين رغم أن هو نفسه اداؤه لا يرقى لأداء أصغر موظف في المحليات ( مع احترامنا لهم )
غير اني أقوله : انت لست اهلا لمسؤليه نائب برلماني
والتوصيف المؤدب طبعا لأني ماتعودتش اتجاوز في الألفاظ حتى في أوقات استحقاق التجاوز وذلك ليس تقديرا مني لشخص المتجاوز بقدر ما هو احتراما مني لكل من يقرأ كلماتي
زملائي المعلمين والمعلمات
لا تتوقفوا عند كلمات هؤلاء النواب واستمروا في عطائكم
قفوا في محاريب العلم وواصلوا أداء رسالتكم وعلموا اولادكم أن الوطن باق والنواب زائلون
والله عز وجل هو حسبكم ونعم الوكيل
طيب الله اوقاتكم جميعا بكل الخير
تحياتى اليكم
خ ـالد الشاعر
جميل الموضوع جدا
وتحيه لكل معلم ومعلمه
لكم جزيل الشكر على ماتقدموهو من مجهود وعطاء
بس فكرة وضع كاميرات المراقبه مامفروض تكون لمراقبة المتعلم بل لتطوير المدرسه. (التصريح بوضعها بسبب المعلم تصريح جارج جدا الصراحه)
بتمنى ينظرو لها بنظره اوسع وأشمل ما فقط لمراقبة المعلم!!!!
لانو قبل مايكون معلم هو والد واكيد ما بيعامل طالب معامله كعبه
و كاميرات المراقبه للطلاب برضو
ومن خلال كاميرات المراقبه بيتوجه الاخصائي الاجتماعي اكثر في كيفية التعامل معهم
وكذلك في حل كثير من المشكلات بين الطلبه وغيرها من المزايا
وقبل كل شي كما قلت بخصوص المعلم رقابة الله
حاضره دوما
/
تسلم مره تانيه على الطرح الجميل
وقليل التعليم فكره دوما محدود فما بنكدر خاطرنا
ع كلمه من (الفكر المحدود)
دمت بخير
الأعضاء الذين قالوا شكراً لـ نبض الجوري على المشاركة المفيدة: