حارت حروفي وعيني بس تناظرله

الموعد اللي عليه الشوق وداني
ياحيه وحي منهو فيه. لاقاني

ابطيت عنه وانا داري به وخابر
اني مثل ماتباطيته تباطاني

اسابق الوقت والموعد على شانه
مشتاق والشوق سراني وعناني

وصلت للموعد الراقي قبل وقته
ودي اشوفه واشوف ايشلون يلقاني

ولقيته من الحنين وصادق اللهفه
تسابق الريح خطواته على شاني

وضميته لصدري ودمعي نزل مني
يامجمل الشوق لامن صار متفاني

وحارت حروفي وعيني بس تناظرله
ومن الخجل ماعرفت اقول وش جاني

وحاولت ارتب كلامي وانطق حروفي
وذكرتلي بيت قلته قبل يجفاني

ارحب هلابك عساك بخير وشلونك
يالغايب اللي خذيت القلب واشجاني

تعال وقرب وسولفلي عن اخبارك
وعن غيبتك وينها يالقاطع الجاني

ماهزك الشوق محدن جابلي طاري
ماسمعوك اخر ابياتي وقيفاني

من دونك الناس ماتسوى ولا حاجه
ماغيرك اللي سكن قلبي وشرياني

في حبك انا غديت العاشق الهايم
انا جنون الهوى ياكل وجداني

تعال ودي عن غيابك اسولفلك
وشلون عشته وكيف البعد شقاني

كني غريبن يعيش الغربه المره
يقضي الوقت والايام وحداني

ولا يتيمن نزل دمعه عشان امه
فاقد ومن جور ماهو فاقد يعاني

اساير الوقت لو هو دوم يهزمني
ولو ثقل حملي تشيله عني امتاني

يكسرني الشوق لامن غبت عن عيني
وادورك واعرف انك ساكن اجفاني

كتبت فيك القصيد اللي يسريهم
الين صرت الحزين بواقع احزاني

واليوم ياحيك وياحي هالموعد
ياللي خذيت الغرام وصادق اشجاني


مما اعجبني وراق لي

يسلموا الايادي


ودي

تِسَلّمْ الأيَادِيْ

لروحَكَ جِنآئِن وَرديهّ

وَأمنيآت بِ أيآم أَجّملّ

-














../ ~
شُكرًا لك وَ لجمَال الطرح
دمتِ بهذا التألق.

سلمت الأيادي ..
ويعطيك العافية لـ جمال الآنتقاء
لروحك جنائن الورد .

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع