أحبك شايب ٍ قـرب يمـوت بغيبـة عيالـه .

أحبك طفل أعمى قاضب ثوبك يخاف يضيـع
وأحبك شايب ٍ قـرب يمـوت بغيبـة عيالـه..

وأحبك نظرة عيون ٍ غزتها حسّـرة التوديـع ..
وأحبك وردة ٍ ماتت ولا جـا اللـي بتهدالـه..

وأحبك منظر الثلج إن بدا فوق السفوح يميـع
كأنـه دمعـة الحـر السنافـي بيـن عذّالـه ..

وأحبك.. غيم عيّا لأمر نفخات الهبوب يطيـع
حلف مايعطي إلا نجد نـزف الحـب وظلالـه..

وأحبك ريح تنثرني قصايـص مالهـا تجميـع.
وأحبك شي في نفس العطـر ليديـك ماقالـه..

وأحبك صرخة ٍ فيها سوالف رحلـة التلويـع
وأحبك عاشق ٍ ماتـت حبيبـة عمـره قبالـه ..

وأحبك سر مايخفـى ولايمكـن بيـوم يشيـع ..
وأحبك شمع كله ذاب مايدري مـن أضوالـه..

وأحبك مجلس أجواد ٍ مشرع بابهـم تشريـع
والى جامن هجدهم قبـل يقعـد جـاه فنجالـه ..

وأحبك غبنـة ام ٍ عقدهـا ياللأسـف مابيـع
ولدها صابه اللي خذ قبل حول السنـه خالـه..

وأحبك طفلة ٍ تحبي على صدري وأخاف تضيع..
وأحبك شايب ٍ ضمّ وكسر ضلع أصغر عيالـهـ

تشكرات لطرح وجهد ,, مشكور

مشكورة ع المرور جوجو ,, أهلاً بكِ

سوف يكون صمتي هنا سلاحي
الذي لااستطيع ان اشهر قلمي
امامك
رغم ابياتك القليله لاكنها نقيه وجميله
وتبقى كشعله التائه
كنت من هنا وما زلت
تنتظر ان تمد لي مدينه الهجاء من
حروفها كي اضعها
هنا
ولاكن مدينه الهجاء اصبحت معي
شحيحه
لذالك قلت لك انت اكثر من مبدع برسم
الابيات
استمر على هذا النهج الجميل

تفاعلك مع موضوعي أفرحني
وأدخل البهجة في صفحتي
فبركتي وجزا كي الله خيرا