قالت علامك تلبس شماغ وعقال
 

قالت ترى منت بحلو قلت رجـال ,,,,,,,,,,,,, والزين ماهو من شروط الرجولـه

الزين يلقـى عنـد لباسـة الشال ,,,,,,,,,,,,, والرجل زين ان كان زانت فعولـه

قالت علامك تلبس شماغ وعقال ,,,,,,,,,,,,,, انت بدوي؟قلت بدوي ومن حموله

ما ألبس بناطيل لها الوان واشكال ,,,,,,,,,,,, وامتر الشارع بعرضـه وطولـه

قالت اجل راعـي معاميـل ودلال ,,,,,,,,,,,,,, شرب القهاوي تحسبونـه بطوله

كيفي يابنت الحضر دلـه وفنجـال,,,,,,,,,,,,,, وحليب خلفـه بالمـراح معقولـه

وحب الكرم والجود وعلوم الابطال ,,,,,,,,,,,, مغروس فينا من زمـان الطفولـه

قالت ترى بنت البدو حظهـا مـال ,,,,,,,,,,,,, قلت احذري حذرا تكوني جهولــه

بنت البدو يابنت مضرب للامثـال ,,,,,,,,,,,,, فوق الجمال وطاعـة الله خجولـه

ماحطت اصباغ ولا حطت ظــلال ,,,,,,,,,,,,, ولا سيرت بالسوق سيـر مهبولـه

هي مهرةٍ تصعب على كل خيـال ,,,,,,,,,,,,,, وانتي ومثلك عسفهـن بالسهولـه

قالت تغزل بي وشف حبة الخـال ,,,,,,,,,,,,,, ناظر عيوني والرموش الكسولـه

قلت العفو مايجتمع حـب وهبـال ,,,,,,,,,,,,,, ولكـل ذوق فالمزاييـن جـولـه

قلتي وقلت وكلمة الصـدق تنقـال ,,,,,,,,,,,,,, الزين ماهو من شروط الرجولـه

؛

يعطيك العآفيه:ah4:
لآعدمنآ العطآء ولآ المجهود الرائع:ah4:

؛

كل الشكر لتواجدكم الراااائع
ربي ما يحرمني طلتكم الرائعة
|

نص انيق ويليق بذوقك .
لذا شكراً بعمق الجمال , وهيبـة ذووقك
سلم لنا هذا المكنون المُمّيز
اسعدك الله , و لك الشكر أبدًا وَ مددًا ..
كل الــود و التقدير لشخصّك

يسسلمو ع حضوركن الجميل:121: