منتدى رواية عشق - من أكتر اللحظات المحرجة

من أكتر اللحظات المحرجة
لما تكون قاعد بمطعم ويجي شب أكبر منك يحكيلك
بشو تؤمرني حضرتك؟
أنا اؤمرك والله حرام ياخي !!
انت ممكن تحكيلي مكان الشغلة وانا بقوم بجيبها ، بتخجل تحكيله طلبك وقتها ..
او لما تكون داخل عمارة أو مجمع او ..
والحارس اللي انت قد اولاده يحكيلك إتفضل حضرتك ويقوم بسرعه يفتح الباب او يشيل شغلة بتمنع دخلتك جوا ..
إحنا مش حضرتك ، انت السيادة والحضرة وتاج الراس ، احنا مين اصلا قدام تعبك وشقاك ؟
ليش الحدا الأكبر منك مضطر يتعامل معك هيك ، بسبب فرق الفرص بتوزيع الاشغال ؟!
إذا الحياة ظالمتهم ليش لنشوف حالنا عليهم ونتعامل معهم بفوقية ، وهم انضف واحسن خلق الله ؟
الاحترام مش اخلال بالتوازن المجتمعي والطبقي ، الكبير كبير حتى لو عامل نضافه ..
الاحترام قبل ما يكون "سستم شغل" ، لازم يكون غريزة وفطرة عند الناس يلي بتفهم ..
الاحترام لازم ينفرض علينا تجاه هاي الفئة تحديداً ..

والأهم انك ما تحسس حدا انه اقل منك بسبب ظروفه ، خليك بسيط وفكر بمشاعر الناس البسيطة بتطيب خاطرهم وربنا بيرضى عنك وبيجبر كسر قلبك لأنك شخص رؤوف بخلقه ❤