منتدى رواية عشق - كيف ابيع العز بالمال والهون اشتريه

منتدى رواية عشق (https://r-eshq.com/vb/index.php)

- ♬ دِيوانيـة الشِّعـر ♬ (https://r-eshq.com/vb/forumdisplay.php?f=13)

- - كيف ابيع العز بالمال والهون اشتريه (https://r-eshq.com/vb/showthread.php?t=130651)

كيف ابيع العز بالمال والهون اشتريه

الهجوس تجول والصدر مما لاج فيه
ضايقٍ به نجد من كل فجٍ واتجاه

يا هجوسي علمي كل تايه علميه
الغناه اللي بلا عز ما تحسب غناه

اتعزز واصرف النفس عن شي تبيه
واجتنب بعض المواريد لوَ يفيض ماه

كيف ابيع العز بالمال والهون اشتريه
واترجى غير ربٍ ماخيب من رجاه

شيمة الرجال عن بعض الاطماع تحديه
وعزته تحفظ مقامه وترفع مستواه

والمهونه تجعله في نظر غيره سفيه
لو يهابونه خصومه ولا تكسر عصاه

لعنبو من يرخي الراس ويعبد الوجيه
ويتذرا في ذرا الغير ويخلي ذراه

من يهين النفس يصبر على شي يجيه
لين يلقى داه ويموت ما حصل دواه

الدويني ما يهمه ولو تاطا عليه
عايشٍ ماله معزه ولا وجهٍ وجاه

ينقضي عمره ما يسوى ريال ولا جنيه
بين تقبيل المناكب وتقبيل الجباه

والحقيقه زبدة العلم والهرج الوجيه
من رضى بالهون ميت على قيد الحياه

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

تسلم الايـآدي ع النقل الرائع والمميز
ارقى التحايا لروحك العذبه
لك خالص إحترامى

يعطيك العافيه طرح رائع
https://g.top4top.io/p_2020odhad0.gif

سلمت آناملك لروعة طرحهآ..
يعطِـــيكْ العَآفيَـــةْ..