منتدى رواية عشق - أبطيت عني .. والغلا زادني شوق

منتدى رواية عشق (https://r-eshq.com/vb/index.php)

- ♬ دِيوانيـة الشِّعـر ♬ (https://r-eshq.com/vb/forumdisplay.php?f=13)

- - أبطيت عني .. والغلا زادني شوق (https://r-eshq.com/vb/showthread.php?t=136199)

أبطيت عني .. والغلا زادني شوق

أبطيت عني .. والغلا زادني شوق
شوق التلاقي .. من بعد مدة غياب ..
.
بيني وبين الوصل .. لاحق وملحوق
سلم الحبايب .. مايبي غيبة أحباب ..
.
أخلج خلاج النوق .. لاماتت النوق
وأعوي .. عوى ذيب رقى فوق مرقاب ..
.
غنيت لك .. مع داعي الشوق طاروق
أغلب كلام الشوق .. للوصل طلاب ..
.
دامك بغيت البعد.. أنا أرجوك برفوق
علل غيابك ؟ .. لاتفارق بلا أسباب ..
.
ترا العمر مره ليا غبت .. مطفوق
طعم السعاده .. مايعوض بالاتعاب ..
.
زود على جرحي.. بعد جتني افتوق
جرح الغياب .. اللي كشر وجهه الناب ..
.
صعبه علي .. اذوق حزنك وانا أذوق
طعم المفارق .. والحزن معك ماغاب ..
.
شفني على وضعك .. ترى حيل مخنوق
أرجوك ..ترجع خاطري منك ماطاب ..
.
تعبت أشوفك .. في دجى ليلي شروق
شفني على شوقي .. فتحت الك الابواب ..
.
هذا كلامي جاك .. في جزل منطوق
طالب وصالك .. حتى لو شاعرك تاب ..
.
بيني وبينك .. حلف وعهود وحقوق
ياكيف تنقض عهد .. في (سلم الاحباب ) ..
.
لاهنت يافكري .. ولاهنت ياشوق
ولاهنت ياهاجس .. دعيته ولاخاب ..
.
حاولت أصد الشوق .. والصدر صندوق
بس الوصل.. في عين الاشواق كذاب ..

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

يعطيك ربي العافيه على ماقدمت ..
لآحرمنا جمال إنتقاءك.,
دآمت السعادة تعآنق روحك
‏.

أبيّآتْ فيَ قمّةة آلروُعه وَ آلجمَمَآلَّ ..
ذَآئِقه عذّبهَ وَ إختيَآرّ مُوفّق ..
صحَ لسَآنّ شآعرهَآ وَ لَآ هَآنّ نَآقلهَآ ..
بسَآتيِن توُليبْ لِروٌحـَك ,,~

موضوع جميل
يعطيك العافيه