من بعد ابي وش عاد تسوى حياتي
 

يا ربّ عفوك مابقى في حياتي
اﻻ جروح وذكريات المعاناه
ـ

العين تعزف لي مقام البياتي
والقلب مرواس الحزن والمواساه
ـ

مكسور خاطر.. ماهنيت المباتي
وماعاد باقي لي خبر زين..أواااه
ـ

أصيح من حر المواجع و احاتي
وماعاد لي حيله على الضيق و اقواه
ـ
من حسرتي..ماعاد ادور نجاتي
ضاع الأمل..واﻻ الفرح وين ابلقاه
ـ

صار الحزن حتّى وانا في صلاتي
دايم ملازمني وقلبي تبنّـاه
ـ
ضاقت بي الدنيا.ومن هو سواتي
والله ليبطي حزنه وماتناساه
ـ
ابكي قهر على عظيم امنياتي
ذاك الحبيب وطيب الذكر والجاه
ـ
اللي وجوده كان عندي غناتي
عن كل حاجه في الحياه آتفـدّاه
ـ
رحل وخلّاني على ذكرياتي
ماغير اسجّ بتالي الليل ذكراه
ـ

واناظر اخواني..واناظر خواتي
واناظر امي قبلهم بعد فرقاه
ـ

واْحزن.. واقول الله يجبر سكاتي
بالصبر والسلوان والجرح يبراه
ـ

من بعد ابي وش عاد تسوى حياتي
اصلاً حياتي بعد ابي في معاناه

ـ

،


يعطيك العافيه ع طرحك القيم
:44:

جَلبَ ممُيَّز جِدَاً
وإنتقِاءَ رآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائك

,شكرا لك علي المرور

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

يسلمو علي المرور