ابسألك ليه انت بالذات { تعنيني} ..
من بدت الخلق ابعرف ليه انت بالذات..

لك { نظره } عيت تفارق سنيني..
لازلت ادور لها تفاسير بـ ابيات

اليا فقدتك صاحت { تناديك } عيني..
واليا لمحتك صدت العين بسكات ..

ولامر { زولك } اتوه وتبتدي فيني..
حاله تجاهل لك وانا اموت حسرات..

ولا التقينا وصارت { عينك بعيني } ..
دنقت ماودي تفضح العين نظرات..

لاني ماني مثل { غيري } ابيح كنيني
صمتي غدى طبع له سنين مامات

ماقد { شكيت المشاعر } وقلت فيني..
دايم عيوني تخفي الي بها فات..

بس انت قلي وشهو { بينك وبينك }..
وش كبرك عندي واصبحو غيرك اشتات..

ليه { انت بالذات } تعنيني تعنيني..
وليه ابتسم لك لو الخواطر كثيرات..

تبي الصراحه ايه { احبك } وانتبه فيني..
لاتخدعك صدت عيوني ولامبالاه..

تقرا { تفاصيل الغلا } واضحه فيني..
واصدق مشاعر لك شالها القلب بسكات..

لاني كذا دايم تناديك { عيني} ..
واليا لمحتك صدت العين بسكات..

و { ابسألك } تدري ليه انت بالذات تعنيني ؟..
لاني عرفت معنى الهوا معك انت بالذات ..​