|
زحمه دمعي ' زحمه توكع يم شماته ولصف مايك ،.
زحمه دمعي '
زحمه توكع يم شماته ولصف مايك ،.. كاسر اعيون المناير ، زحمه دمعي اوروج طبعك ، ليش فلاك البلم فلت ضفاير ، والموكعك شايل اطباع الگناطر ، عنده خير الماي وافر ، مايهملك ، وصه كل شامت بموتك خاف ينسه يغني باجر لا يدمعي اطيحه مامرجيه منك، يبون اعيون الجانت اتربي كرامة ، موش كتلك برسايل ، ليش شكيت الرسايل والحمامه ، المزهريه الكشخت ابورد الترافه اتصير سجين ابكسرها ، اي يدمعي ، ذيج لمغطيه شعرهه ، سنين عرگانه ابسترها ، ادري لو مره هدل بيهه الحجاب ابساع تنذم ، والورد ذاك اليفرع ثوب عطره ، يبيع عمره اوينكطع بعدين ينشم ، وانه كايل ، من يكشفنه سترهن ، تلگه بلنار الرسايل ، زحمه دمعي ، شوگعاك ، ونته ساجد ، من تمر عيون ذنبك تستحي تكزبر صلاتك ، ونت ذنبك بلبل ويدعي اعلى صيده ، عاشرت تين الولايه ، وشلعت ريشات جنحك بلكت ايكرب مماتك ، وموش تدري ، اتسد شبابيجك يدمعي اشبيك ماحشمت اديه ، هيه مخلوقه اليالي اتضمضم انفوس الدنيه ، ليش تلهج دوم مامش ، ونته تدري الحايط ابصورة عزيز ايصير عايش ، يامدرس درسيتك ، وادمي الينكال عدها ، الميته والباعت سترها ، اثنين من نفس الطوايف ، هاي جثه بلايه روح وهاي روح ابلا جسدها ، والجفوف السولفلك ورد غبشه ، اتلاكي بل منجل نفس بصمات اديها . گتلك اضخن ، والدشاديش الخفيفه ايبين المضموم بيهه ، وانا كتلك ، شوف رايي ولاتطيح ابكاع غربه ، ابقه خاتل بين كاعي ، تدري هلدنيا رساله ، تموت اذا ما الها ساعي، كوم ويبس ونته تدري ، الكصبه خضره تعيش جذبه ، لاتدنيها المضيف اولا ادنيها اعلى راعي ، اي يدمعي والبيوت الخاليه ابلايه عزيز ، اتصير طين اكبال الجدام النضيفه ، وجنها شروه اكبال الجيوب الخفيفه ، وگتلگ اصبر والشبابيج التندي اتشگگ اعيون الستاير ، گتلك الشمعات واليله الطويله ماتن امتانات باجر ، كوم دمعي حته لو مشروب نصك ، كتلك الحك ونستر من عين دربك حته بت اليل تلحك تشكف المفضوح بيه ، شيل روحك من الفطور التشربك ، وگتلك المبيوگ بيته ، اسنون شكه اتملخ الورده ابسلفهم هيه هاي، عوف طبعك ، وحجي لصبير هيمه اولاتسولفله اعلماي ، كوم سكته او لاتسولف للكصب داعيك راعي ، اكبال حزنك ينفتك لشفه ناي ، احضن اجفوني يدمعي وموت ، ولعطابه والدم حيل ماتن بلمشابگ ، كافي تدعي ، وانت شاعر توه يكتب ياهو اليسمعك يدمعي ، ياهو يسمع حجي اضنونك ، ولولايه افطورها اتكرهك يدمعي ، ادور ازله اعلمايك ، هاذا رايي وشوف رايك ، |
بين مواضيعكم نجد
المتعة دائماً وفقكم الله لقادم اجمل |
كل الشكر على طرحك الرآئع
وفي انتظار ابداعك القادم بكل شوق لك وافر التقدير تقبل مروري المتواضع |
تميز في الانتقاء
سلم لنا روعه طرحك نترقب المزيد من جديدك الرائع دمت ودام لنا عطائك لكـ خالص احترامي |
جلب رائع ومميز سلمت وسلم مجهودك الجميل وبانتظار جديدك مودتي |
يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’.. بإآنْتظَـــآرْ الَمزيِــدْ منْ إبدَآعِكْ .. لــكْ ودّيْ وَأكآليلَ ورْديْ |
| الساعة الآن 07:10 AM |
Powered by vBulletin Hosting By
R-ESHQ
HêĽм √ 3.1 BY: ! RESHQ ! © 2010
new notificatio by R-ESHQ
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة الموقع