سافر حبيبي جعل دربك تساهيل
 

سافر حبيبي جعل دربك تساهيل
مع السلامه ياهوى القلب ومناه
ودعتك ودمع المحاجر هماليل
واستودعك حبي تصونه وترعاه
قلبٍ عطاك الحب جمله وتفصيل
لا تنشغل بظروف وقتك وتنساه
وانا على الميثاق فالعدل والميل
ماينكسر قلبي لغيرك ولا ارضاه
لو طال ليل الشوق ومسامر سهيل
ولو طالت السيره وجور المعاناه
الطيف من يمك يجيب المراسيل
واعوض فراقك بشوفه ولقياه
ازور شارع بيتكم لاظلم الليل
واسترجع ايام المواصل وذكراه
الشارع اللي نورته القناديل
واشوفه مظلّم من اقصاه لاقصاه
كنه على ذكرك يجر المواويل
ويجاذب الونات ويقول ويلاه
بعد السعاده والفرح والتعاليل
الله يعين اللي لقى هم دنياه
ماعاد لي حيله ولا عاد لي حيل
الا رجال اللي ماخسر من ترجاه
انه يردك فالليال المقابيل
واعيش معك العمر واقضي احلاه
سافرحبيبي جعل دربك تساهيل
وامانتك حبي تصونه وترعاه

انتقاء متميز ورائع
بوركت الاكف للجلب
عميق الامتنان

موضوع مميز
تسلم ياألق للانتقاء
ودي :x2:

طرحت فأبدعت

دمت ودام عطائك

سلمت اناملك ع الطرح الجميل والمميز
كل الود

سطور وكلمات نالت الإعجاب
أترقب جديدك بكل شوق
لك كل الود والاحترام