منتدى رواية عشق - كفته الارز بالكيلو

المقادير المظبوطه

كيلو لحمه مفروم بدون اى دهون ويفضل (لحم جملى)
700 جرام أرز مصري
1 ربطه بقدونس
1 ربطه كسبره
3 بصلات متوسطة
8 فصوص ثوم
1 حبه فلفل اخضر حار او بارد
ملح
فلفل أسود
كمون
شطه
كيس بكنج بودر ( بيخلى الكفته هشه مش مكتومة من الداخل )

الطريقه.

نغسل الأرز وينقع 10 دقائق فقط ونغسل الخضره وتقطع ويقطع البصل ونضيف كل المقادير على اللحمه وفي الكبه وتطحن كويس جدا جدا جدا أو خدى المقادير وافرميها عند الجزار
بعد الفرم دخليها الثلاجه نص ساعة وطلعيها اعملى منها أصابع ولازم تدهنى ايدك زيت وانتى بتشكليها واول ما الكميه تخلص على طول نقليها في زيت غزير بعد ما تبرد نفرزها و ممكن نرصها فى اطباق كل كبق مش اكتر من رصتين بينهم بلاستيك لسهوله تحريكها و تفرز بدون قلى
وبالهنا

ملحوظات هامه للكفته .

علشان الكفته مش تفك منك.
بلاش تكترى البصل والخضره علشان بيكون فيهم ماء ودى بيخليها تفك
بلاش تكترى الأرز وبلاش تنقعية كتير وصفى الأرز من أى ماء فيه كويس يعني ممكن بعد ما تغسلي سيبيه يتصفى خالص لحد ما ينشف من الميه
بلاش يكون فى اللحمه أى دهون
لو حستيها فيها أى ماء حطى معاها وهيه بتتفرم 3 ملاعق كبيرة نشا هيمتص أى سوائل فيها ومش هيخليها تفك منك وبس كداا

الم