يا زمان العجايب / سمو الأمير الشاعر خالد الفيصل
 

يا زمان العجايب وش بعد ماظهر
كل ماقلت هانت جد علمٍ جديد
إن حكينا ندمنا وان سكتنا قهر
بين قلبٍ عطيب وبين خلٍ عنيد
لو تفيد المدامع كان اسيل نهر
مير كثر التوجّد والدمع مايفيد
اصبر ايام واشهر واتصبر دهر
وان حصلّي مناتي جيت لوني بعيد
وطاولت بي همومي مع طويل السهر
ما تحمل ضلوعي لو اضلوعي حديد
ارجي الله واراقب كل طالع شهر
يجلي الهم عني أو عساه مايزيد
وياغزالٍ فضوح الزين عنه اشتهر
في عيوني ملاك ووسط قلبي وحيد
ويا زمان العجايب وش بعد ما ظهر
كل ما قلت هانت جد علم جديد
ومخطي اللي يشبه وجنتك بالزهر
الزهر ماله رماحٍ تصيب وتصيد
لوجحدت المحبه سقم حالي جهر
مير ماكل قلبٍ ياصل اللي يريد

الشاعر سمو الأمير خالد الفيصل

موضوع جميل

ابيات رائعه
وذائقه شعريه مترفه بالجمال
سلمت الايادي
في انتظار قادمك
لروحك السعاده

منورين

شكراً لك
بإنتظار الجديد القادم
دمت بكل خير