منتدى رواية عشق - ريق القصيد

تعودتك تجي يمي إلا منك نويت تروح
قبل لا تقفي وترحل أشوفك وإنت قدامي

قبل لا تعلن الفرقا تزوّد هالجروح جروح
حرمت الوصل يسكنّي رضيت تزيد آلامي

الا يامشغل أفكاري الا ياصمتي ويّا البوح
دفا قربك تملّكني وأنا في بعدك الضامي

بغيتك ترأف بحالي ذبحته هالفضا بالنوح
دموعي عالورق تصرخ عشانك جفّت أقلامي

نشف ريق القصيد وقلت أنادي والصدى مبحوح
على درب ٍ مشيتك لين تعبت وحفّت أقدامي

رسمتك غيمة ٍ تمطر حنيناً في زوايا اللوح
وتزهر والشذى ريحه يعطّر حبك السامي

أنا اللي لا تذكرتك يصير القلب بك مذبوح
وأسلي نفسي وإثر إني أتوه بسكه أوهامي

أنا ذقت الفراق اللي يوازي طعنة ً بالروح
وهماً معتلي صدري يشابه سود الأيامي

يلازمني شبح فرقاك سكنّي وين أنا ماروح
حتى في هجيع الليل يجي ويعكّر أحلامي

حبيبي وإن تباعدنا أشم العود منك يفو ح
ينام الشعر في بخورك عساه يداعب إلهامي

تعال وأدمح الزله حبيبي لا أبد لا تروح
جفاك يبعثر أوراقي يزوّد جرحي الدامي