منتدى رواية عشق - أنت راضي لحد ما تبدأ تقارن!!

أنت راضي لحد ما تبدأ تقارن!!
- راضي بمرتبك لحد ما تبدأ
تشوف مرتب زميلك.

- راضي بمعدل تطورك كل يوم
لحد ما تبدأ تشوف معدل
تطور شخص بتتابعه وبيبهرك.

- راضي بمجهودك لحد ما
تشوف مجهود صاحبك في الشغل.

- راضي بحياتك لحد ما تشوف
نعيم حياة شخص مقرب منك.

- راضي بنصيبك لحد ما تشوف
نصيب غيرك من
الفرحة/ الحياة/ الزواج/ النجاح

أنــت حياتك كلها ممكن
تكون راضي عنها بنسبة ١٠٠٪
لكن مجرد ما تشوف مقابلها
عند حد تاني شكلها أحسن
لو مسيطرتش على نفسك.

هتبــدأ تنقم على النعم اللي في حياتك
اللي كانت عجباك عادي
دي وتبدأ تدخل في أمراض
قلوب ربنا يعافينا منها.

مــع إن ممكن نفس الحاجة
اللي أنت قارنتها بغيرك
تكون دي النعمة الوحيدة
اللي هونت عليه حياته
وأنت عندك نعم تانية كتير
بس بطلت تشوفها
من حجم المقارنات
اللي ملت قلبك وحياتك
وحسستك بالشقاء.

ارضى
بحياتك/ نصيبك/ مستواك/
مجهودك/ وحتى ابتلاءاتك.

وتــأكد إن حياتك العادية بنسبة لك
دي هي حلم لشخص تاني
بيتمنى ربعها برغم بساطتها
من وجهه نظرك

- وخلى دايمًا قدامك الآية دي:

{وَلَا تَمُدَّنَّ عَيْنَيْكَ إِلَىٰ مَا مَتَّعْنَا
بِهِ أَزْوَاجًا مِّنْهُمْ زَهْرَةَ الْحَيَاةِ
الدُّنْيَا لِنَفْتِنَهُمْ فِيهِ ۚ
وَرِزْقُ رَبِّكَ خَيْرٌ وَأَبْقَىٰ}

الرضــا لقلوبكــم ياااااااارب
لكم خالص تحياتى وتقديرى
الدكتــور علــى