يكفِّي
 

بحبٍ بقلبي لك ولا يوم انا ناسيه
وصدرٍ بَحَر مِنْ شوقْ تِتْلاطم امواجه


وليلٍ لَجِلْ عينك بكل الشَّغف ساريه
أجي لك واْنا خايف من الوصل وِاْزْعاجه


يكفِّيني اللي مرْ بِي في سنين التِّيه
يكفِّيني الحرمان والشوق وِاْحْراجه


أخاف الوصل أصعب من اللي أفكر فيه
أخاف انصدِم بَاْشياء مالي بها حاجة


أحبك نعم ، لكن فؤادي أنا شاريه
إذا بايعه من سجنك اعلن عن افراجه


مضى وقت كنت أنت الوحيد الذي أبغيه
مشاعر هواك بداخل القلب وهاجة


حنانك مطر عمري مِنَ اْكبر عطش يرويه
مشاعرك بانبل حبها عين ثجاجة


تمنيت إنْ اللي مضى لي معك تحميه
إذا المسألة فيها معَ الماضي مْوآجه


لكنك هدمت اللي مضى عمرنا نبنيه
وباب الوصل ما بيننا احْكَمْت مزلاجه


رحلتَه بدون اسباب هجرتَه بلا تنبيه
تركتَه بأقصى القلب نيران وهَّاجه


وفجأة تبي ترجع .. وتبغى الأسى تمحيه
تبي تبني حصون الهوى وترفع سياجه


تعبت اوَّل المشوار صَعُبْ أتعب بتاليه
صعُب أدخل بدربٍ ولا ادِلْ مُخْراجه


نضج قلبي من البعد ،ولا آمنك تكويه
اخاف إن حرماني معك يرجع أدراجه


مشينا السَّهل كله وش اللي بقى نمشيه
ودربك طويل وما بقى غير أحْراجه




سُهيل

سلمت اناملك على الطرح الرائع
يعطيك العافية

_



تباركت أناملك
وليُمنآك الجآلبه عُمق الشكر
ولـِ روحك أجل سلاماً :777:..

طرح جميل
يعطيك العافيه