منتدى رواية عشق - الكبدة الاسكندراني باحسن طريقة

https://scontent.fcai19-3.fna.fbcdn....Yg&oe=684D3795

الكبدة الاسكندراني باحسن طريقة

المقادير:
• نص كيلو كبدة بقري متقطعة بالطول(مش رفيعة ومش سميكة)
• 1/4 كوب خل
• عصير 1 ليمونة
• 1 معلقة كبيرة توم مفروم
• 1 معلقة كبيرة كسبرة ناشفة (اختياري)
• 1 معلقة كبيرة كمون
• 1 معلقة صغيرة فلفل أسود
• 1 معلقة كبيرة ملح
• 2 قرن فلفل حامي + 2 فلفل رومي متقطعين شرايح
• 1 معلقة صغيرة توم مفروم تاني (للآخر)
• زيت غزير

طريقة التحضير:
1. أول حاجة، متغسليش الكبدة لأن المية بتخليها تزفر وتشد.
اكتفي بنقعها في الخل والليمون لمدة نص ساعة،
وبعد كده صفيها كويس جدًا.
2. حضّري التتبيلة: اخلطي التوم والكسبرة والكمون والفلفل الأسود والملح، وضيفي عليهم شوية زيت.
3. سخّني طاسة ألومنيوم
(هي اللي بتديك تسوية الشارع الصح)،
وضيفي كمية زيت محترمة.
4. نزّلي بالتتبيلة وسيبيها تتحمّر كويس،
وبعد كده نزّلي الكبدة من غير تقليب خالص.
5. أول ما تاخد لون من تحت، قلّبيها بسرعة
وسيبيها تكمل تسوية
(العملية كلها مش بتاخد أكتر من 10 دقايق).
6. في آخر خطوة، ضيفي التوم التاني وقلّبي،
ولو حسيتي محتاجة كمون أو كسبرة تاني، زودي.
7. نزّلي الفلفل الرومي والحامي شرايح،
وقلّبيهم بس خفيف علشان
يفضلوا محتفظين بقوامهم.

بالهنا والشفا

تحياتى وتقديرى
الدكتــور علـى