[ صرخة ]
 

تثور بداخلي صرخه لها جوف الظلوع وناس
انا بين العقل والطيش مدري كيف اببديها

احاول قد ما أقدر أجنب عن طريق الياس
لو ان ظروفي الغبرا تورّدني منافيها

انا كم يتْلْف اعصابي صياح بصرخة الهوجاس
يبي من كفّي الفزعه وعيّا العدّ يرويها

تشتتني همومٍ مالها آخر شديدة باس
مآسيها تخالط داخل ضلوعي واغنّيها

غريبه غربتي فيها والاغرب غربتي فالناس
انا مثل الذي تايه بصحرا غاديٍ فيها

على وجهي بلا يمَّه اصبّ الحرف بالقرطاس
اجنّب واقعي يمكن جروحي منه يشفيها

واقول اني كذا عاشق سرى من عشقته بفلاس
بعد قصَّت عروق القلب من جوفي با اياديها

اعاتبها وانا كلي أسف لوهي بدون احساس
وهي ماترفق بحالي وترحم حال مغليها

تشوف الي عروقه من ضنا الفرقا غدت يبَّاس
ولا تمطر على منهو من اللوعه يناديها

كأن الأرض جمره من توقّدها مَعدّ تنداس
وانا من لوعتي رجلي على الجمره ممشيها

اسير بغربتي وحدي ولي مع دمعتي مرواس
ليال العمر تدفعني على مضماي واسريها

انا جيها وانا ادري ماسقى حظي ثمر غرّاس
معوّدني على جرح المشاعر قبل لا ابديها


تبون الصدق:

مظلومه

وانا ظلمي بلا مقياس

احمّلها خطا عمري عشان ابكي وابكيها

انا لو اعتذر عذري مراره ناقعه بالكاس
ابشرب كاسة اعذاري عشان العدل وارضيها

ولو كانت مجرّد طيف خيّل غصنه المياس
يجول بخاطري ساعة شقا نفسي ويغريها

انا تاخذني الغربه لحالي عن هوى الجلَّاس
تخيّلني وحيد ومالقت نفسي معزّيها

تخيّل كيف تدفعني مشاكل تعتلج بالراس
تخيّل وصف عجزي عن شفاها يا مداويها

تخيّل من كثر ما هزني في دنيتي وسواس
فقدت الحسّ بالدنيا وكلَّ الي سكن فيها

عليك اركي حمولي كلّ ما يلمسني اللّماس
قبل لا اطيح من جور الهموم الي اعانيها

انا من خارج الواقع انادي

ما ندهت الناس

اسافر مع غرابيلي حياتي عفت تاليها



:

رفيقـ الطيف.
1446/12/15هـ

سلمت اناملك على الطرح الرائع
يعطيك العافية

_




سلمت الأكف
والله يعطيك العآفية ،
دمت بخير :777:..,

طرح راقي ومميز
سلمت يمينك