أحبّها وإن قيل بالعلم تحريف
 

.غلطان ياللي قلت ذا الحب تخريف
لا صار عشقي طب روحي ودواها
.
هي بنت أنا من حبها مشهر السيف
عن من نهاني عن مشارف هواها
.
في وصفها ما قلت كذب ٍ ولا زيف
الطيب فيها مثل طفل بحشاها
.
عبيرها لي كنّه البن للكيف
لا والله الا الكيف يتبع خطاها
.
أحبها والحب من دون توصيف
يسطي على قلوب البشر ويهناها
.
أحبها من دون رخصه وتعريف
لا صار حبّي حايم ٍ في سماها
.
ياللي تقول الحب علم ٍ وتثقيف
تعال شفني في جنوني معاها
.
والله ما أفهم في علوم المواليف
لكن قلبي جادها يوم جاها
.
أحبّها وإن قيل بالعلم تحريف
خذها أكيده لجل أبيّن غلاها
.
هذا وأنا ما شفت غير الذي شيف
وش عاد لوّي شفت باقي حلاها

سلمت يدآك
على جميل طرحك
وحسن ذآئقتك
يعطيك ربي ألف عافيه
بإنتظار جديدك بكل شوق
أمنياتــــي لك بدوام التآلّق والإبداع

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي