ومن لا يفكر بالامور البعيدات
 

هنيكم يا اهل القلوب المريحات
ترعون بالدنيا مثل رعي الانعام

ناس تنفذ صادر الامر بسكات
لو يفهمون العدل للحيف خدام

فيهم من فنون المذله علامات
ويمثلون ازوالهم كبر الارجام

لو شفتهم صفات فارياهم اشتات
ما من عقول لو تكابرت الاجسام

من عاش ما حاش الثنا والجمالات
ودك يلبس ثوب أسود من الخام

ما ذكر به حي يناجي للاموات
وعزي لمن يرجي عيالن بالارحام

المجد ما يوخذ براحه وراحات
يوخذ بحزم وعزم واقدام واحسام

من لا يخوض اخطارها بالملمات
يعيش بين أوباش واوهام واحلام

ترى الوكاد الفعل ما به مراوات
اصدق من اللي يكتبونه بالاقلام

الذيب يهل العرف ما رافق الشات
والنمر ما والف مفاصيل الاروام

علمن ظهر للناس ما به مناجات
ومن لا يصلي الخمس يكفر ولو صام

ومن لا يفكر بالامور البعيدات
لازم بحق الناس يخطي بالاحكام

تمشي ليالينا والايام عجلات
والله بما يخفي على البعد علام

طرح مميز يرتقي بالذائقه
احسنتي الأختيار
بانتظار هطولك المثمر دائما
لاعدمنا جديدك