منتدى رواية عشق - قفلت جوالي

.
.
عزي لقلب صار همه طعامه
ويقطع ظماه ليا ظما جر الاهات

ما بين صحواته ولذة منامه
لحظات من عصف التفاكير لحظات

شي يقيد خطوته عن مقامه
وشي يشرف به بروس الطويلات

والموت شي ذكره في غرامه
واخذ مع الماضي من الوقت سجات

صياد بارع وشبكت له حمامه
ونقلبت الآيه وهيهات هيهات

في قصةٍ قلبي تزود احتدامه
عن غايبٍ حاضر معي كل الاوقات

أغضب ويمتص الغضب بابتسامه
ازعل ويرضيني منه بس كلمات

لا قال انا احبك فهقت العمامه
افتح إزرار الثوب وانسى التنهات

واجمل معاذير الصغير علامه
لا جاء يتعذر صارفا النطق عثرات

يخونه التعبير لحظة كلامه
يشبه لشخصٍ يحتضر بس مامات

قالو ثلاث الحلم يصدق منامه
قالو ثلاث وزارني تسع مرات

من يوم عني كف حتى سلامه
حل بمحل القرب بعد المسافات

يا طويق شفتك نازلٍ في تهامه
من بعد خلي والمساليك وعرات

ولقيت جده وسط سوق المنامه
من لامني يبلى بصعب المهمات

يدري عن اعلومي وانا ادري علامه
يدري وانا ادري واختلفنا بوجهات

ومن يجهل أخصامه يسوي حجامه
ومن يتبع اللذات في عداد الاموات

ومن كثر الجيات قل احترامه
ومن جاء بلا داعي رضا بالاهانات

قلته دفاعاً عن حقوق وكرامه
مبدا ولا اقبل فيه كثر النقاشات

قله علامه ليش غير نظامه
ترى علينا ما تمشى الحركات

يوم ان طبعه شان حلل حرامه
وحرم حلاله يوم زين العلاقات

قله بذنبه لا ينزل مقامه
وقله يشوم اعن العلوم الرديات

وان كان يبغاني فانا ابغى السلامه
قفلت جوالي ولا ابغى اتصالات
.