كلشي بموسمة ينسام
بالك و'المناجل هاي
تتنطَر حچي السنبل
تخّيل إيد توميلك
و'الإخرىٰ تذبح المِطفِل
و'تدري إنت الگباحة إمرار
دوة و'المستحة إيفشّل
ما بينك وما بينك
ركضنث لــ'فتحة الشباچ
إلگينة الهوة إيزعّل
و'هذاك الفوگ راسة إجناح
صار بـّـ'روسنة ألعباس
و'من شاف القضية
تريد ضم إچفوفة عنة و'گال ما'كَمِل
و'صدر حضرة القاضي
عفو لــ'كل حرملة بــ'عاشور
يحفر بير و'إيسبِل
و'ساعة ما إجة التفتيش
لگة التاريخ عبد الله
كَال إطفال ما'سَجِل
و'إثمنمية حار بــ'حار
بين البوش و'الدخان
حلم يوگف علىٰ طولة و'حلم يختل
بچي يصعد لــ'حد الله
و'دمع ينزل
متن خط أحمر إيلالي
و'متن يهدل
و'فوگ إمن الــ'إمتون إيروح
دمنة و'بارية إتحمل ..









هاشم الخزاعي