دايم يجي بيني وبينك خناق
وتطول لسانك واطول لساني
وتسبني وتروح وتشين الاخلاق
واحس في ضيقه واغير مكاني
ولامن تفارقنا تعذبنا الاشواق
وكلن يجي الثاني من الشوق عاني
وناخذ بعضنا لهفه وضم وعناق
ونقضي الليله غرام واماني
وقبل نتفارق نرجع هواش وخناق
وتطول لسانك واطول لساني
ونبقى على الروتين عدوان عشاق
واسرق جمالك وانت تسرق حناني
هاذي طراة الحب في جوف الاعماق
ما فيه مجني ولا فيه جاني
حب ما فيه دموع وغياب وفراق
سلم عليه وشوف لك حب ثاني