حوّل سحابي واحسب أنّـي وصلْتَـه
وهبْـت هبايبهـا وشالـت سحابـي
حلمٍ علَـى غفـوة زمانـي حلمْتَـه
ليت الزّمان الّلي غفا ما صحى بـي
في غمضةٍ من ليل.... عمري سرقْتَه
لاشك حظّي من عذابي وشَـى بـي
الّليل يوم أنّه صَحى بي... جرحْتَـه
والعمْر في مجروح ليلي سرَى بـي
من وقتيَ المجروح لجـروح وقْتَـه
يمشي وحظّي بالعَثايـر مشَـى بـي
لوْ أنّ قيـدي فـي يدينـي كسرتَـه
ميرْ البلى قيد الغـرام ألتـوَى بـي
الله من صوتٍ علَى الشّـوق جبتَـه
والله من كلمـة غلـى فـي كتابـي
أطوّح المسحـوب مـعْ كـل نْهتَـه
واسمع علَى همس الّليالـي جوابـي
يا معشر العشّـاق قلبـي عصرْتَـه
قطـرات خفّـاقٍ مـن الوجـد ذابِ
علَـى عشيـرٍ بالوفـا قـد وعدْتَـه