سنين عدت
سنين عدت علينا في البُعد
ولسه يا قلبي مشتاقله
عايش علي حلم كلمة وعد
ولسه البُعد تحسب له

ساكن جواك في نبض هواك
ولا بتقدر في يوم تنساه
في كل مكان ليه ذكري معاك
وصورته ملاك في عينك اه

سنين فاتت ومش وياه
بتحلم لسه برجوعه

هتنسى قوللي يوم تنساه
ولو صدفة في يوم شوفته

هترجع له اه هترجعله هترجع له

اه
انا عايش في دنيا وحيد
وهو اختار في بُعدي يعيش
يا قلبي كفاية بقي تنهيد
وعيش علي الارض متتعبنيش

في جرحك ويل يا قلب عليل
وفاكر مين في يوم يشفيك
وهو اللي كان جارح بالليل
بيجي في يوم ويرضى عليك

سنين فاتت وهو نسيك عايش وراضي بحياته
ده عمره حتى فكر فيك
ولا انت جيت علي باله
ولو صدفة في يوم شوفته

هترجع له هترجع اه هرجع له

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات