على دروب الضياع ياوقتي الضايع
انا دخلته وشفت الواح بيبانه

المشتري شفته الاولى من البايع
والبايع اليوم هد البيت واركانه

باع المكاسب وكان المكسب النافع
قد كان مخيم باحشائه و ظلعانه

ياطير بلغ كلامي له من الواقع
ان الاحاسيس شوكه مثل ميزانه

اطلق جناحك وحوم بالفضا الواسع
وان هزك الشوق ريح من على اغصانه

لو غيمت لاح فيها برقي اللامع
الجو جوك وصدر النايف اوطانه

ويعلل الفكر جو الشاعر الرايع
يبوح سرن مكنن بين ضلعانه

مايمنع الروح في درب اللقا مانع
كالطير لو حام شل الجو جنحانه