جيت واللي بـ أقوله كنت كابتْه عام ،
..............................خلّني أعترف لك …. وأرجع أودّعك !


ليلة مْفارقك .. مشرّعة لـ : الظلام ،
..............................ما ردعْك الغرام .. ولا بكاي اردعك !

كل ما قلت بمشي قلت لك بانهزام ،
............................لحظة ممكن أعلّمك بعذر … يقنعك ؟

وكل ما شفت بعيونك مواري الهيام ،
............................أرتجف …. وأتأمّل خير … وأشجّعك !

كنت .. زحمة تعابير وشعور وحطام ،
.............................لا تعذّرت أكابر .. وإن مشيت أتبعك !

أتمنّى بـ هاللحظة … ( حمامة سلام )
...............................تاخذك رحلة لـ ( ماضيك ) وترجّعك !

كل ذكرى جميلة ترتمي في الخصام ،
..............................تقطع مْعاتبك …. وتهل من مدمعك !

في عدم اهتمامي نوع من الاهتمام ،
..............................وأنا أودعْك قلبي …. كان يستودعك !

ما مسحت الدموع إلا عشان الكلام ،
.............................كنت أبسمعْك دام إنّي مَ راح أمنعك !

كنت بـ تروح وأدري .. ما يفيد الملام ،
............................... ( قلت أحاول أطوّل بالسوالف معك )