يا ليل ... لعدنان جلوب
لو تدري الليل
شبي من اسرار
وشيخفي بجعبته من مشاكل
اكو وادم كضته بميز
القمار
واكو وادم خبز ماعدها تاكل
الاكل لحم الغزال
ونام مرتاح
مو نفس الاكل خبز وفلافل
ولك ياليل
هذا اليوم اعريك
طحت بلسان شاعر
مايجامل
جم حلمة نهد تنرشف بالليل
بسن اربعطش
وشوية نازل
جم عذراء باكر
باكها الليل
وذبها على الرصيف
الصبح
حامل
دخان المعامل
موش دخان
نار اكلوبنا اموجرة المعامل
2002
للشاعر عدنان جلوب