منتدى رواية عشق - عرض مشاركة واحدة

#1 01-02-2022

في العين دمع وفي المعاليق حسره
من راح عني راعي الزين زعلان

يا كسر قلبي حبيبى الف كسره
وشلون ابرضي صاحبي خدر الاعيان

ياليت ياخذني اسيراً بأسره
اهم حاجه رضوته قدر الامكان

من بعد ما كنأ حبايب و اسره
معادنا ذلحين اسره و خلاّن

أي بالله الإنسان طايح في خسره
لو هو خسر مثله على مر الازمان

تمرً كليته منه وازدان بسره
بين الثنايا الحمر في ماضيً زان

كتبت به ابيات ماهيب عسره
يا جعل تفدى له بيوتي بالاوزان

حطيت تحت الياء نقطه وكسره
وخربطت في شوفه قوانين الاتقان

مديت له يمنى واثنيت يسره
وحطيت له في الصدر خيمه وديوان

بنيت لي جسراً بقى جنب جسره
وسويت لي من جزل الاشعار (ديوان)

ماهبت لا صقره ولا هبت نسره
ولا هبت سهم البعد لو كان ما كان

حبه كما لوح تثبّت بدسره
وبعده خذا عقلي وانا ابن قحطان