لا بان قدمي للجفيا مواري
اقفيت مع درب الفراق و تشيمت

ابعد مسار الرجل واحفظ وقاري
ومن حيث ما يبدي لي العز يممت

ما امشي الطريق اللي يهين اعتباري
عن المهونه صنت نفسي وكرمت

ماني على ما يجلب الهون ضاري
خذيت من عز الجدود وتعلمت

من باعني بعته على ادناة شاري
حتى لو انه يهمني ما تندمت

ولاراح ما اقفى روحته بالهذاري
افنى وانا في سيرته ما تكلمت

وان كان جا له بالدواوين طاري
اترك مجال السالفه والزم الصمت