آه ياطول العنا والحزن لبّسني وشاحه ..
والليالي يم مثلي بالمواجع مستعده ..
الفرح ماله بصدري كم حدود وكم مساحة ..
والفراق الله يلعن ساعته مانيب قده ..
الدموع أصدق سواليف المفارق وإرتياحه ..
وإن سألته شف جوابه دمعةٍ فوق خده ..
الحزن حوّل على صدر المعنّى واستباحه ..
وش يسوي واحدٍ قد بيّحت الايام سدّه ..
حالتي حالة يتيم صغير مايعرف صلاحه ..
جاهلٍ والعمر توّه وأقرب الأقراب ضده ..
اتركوه يصالي الونّات ويجاوب نياحه ..
غصب تنزل دمعة الرجال لو ماهوب وده ..
الدموع أصدق سواليف المفارق و ارتياحه ..
وإن سئلته شف جوابه دمعتن من فوق خده ..
الدموع أصدق سواليف المفارق وإلتياعه ..
وإن سئلته شف جوابه دمعته من فوق خده ..
أح يادمعة شقيً ما يحس بطعم راحه ..
كلما زانت حياته للحزن وقته يرده ..
وش جداه اللي فقد له أم في بداية صباحه ..
هذي أمي والله إنها امي قبل لا أقول جدّه ..
وش جداه اللي فقد له ام فبداية صباحه ..


هذي امي والله إنها امي قبل لا اقول جده ..
هذي امي والله إنها امي قبل لا اقول جده ..





رآقت لي أتمنى تروق لكــم ُ
تحياتي لكم
صعب المنال