حبيبي لا تضايقني وانا بالحيل متضايق
جروح الغير بي تبرا وجرحك وحده الشايب

تعال ويق في صدري وشف حبك وهو رايق
تعال ولا تعذبني حسيبك يا الهوى الغايب

خذيت الوعد من قلبك واثاري الوعد بي بايق
تجي وتغيب في حبك ودمعي بالهدب رايب

عليك الله يا حب (ن) لقا شرياني به لايق
وهو ما لاق به صدقي وانا ما لاقني الخايب

نويت اجز شرياني ولكن حبك العايق
نويت وحظي العاثر ركزبي نابه العايب

الا يا حظ وش تبغى تراني حيل مو فايق
ولا بي حيل لجهادك ولا عن حبهم تايب

من الاخر تعال وشوف كيف العشق بي وايق
احبه واعشقه واكره غياب (ن) للقهر جايب

تروح الروح له فدوه واجيله بالغلا سايق
واذا ما القلب له يعشق ترا روحي هي النايب

فديت اسمه على رسمه فديته بالهوى شايق
عسى قلب(ن)كره زوله يصيبه فالهوى صايب

اسوق الروح في غيابه وقلب(ن) للهوى ذايق
احبه يا الزمن واشهد ترا ما ني لهم سايب

دخيلك لا تعذبني دخيلك يا الهوى المايق
أحبه والله الشاهد وحبه في الحشى ذايب