امتي يا دنيا تحني وترقى علي الغلبان

انا مش طالب قصر عالي ولا لؤلي ومرجان

انا مش عايز كنز حلالي ولا مليون فدان

انا حلمي اعيش في الدنيا خالي الهم وناسي الدنيا

واللحظة اعيشها والثانية راضي النفس ومش تعبان

لقمة حلال وولد صغير جوه بيت رايق ومنور

اعيش فيه ومش متحير مع احلى غزال حلو وفتان

انا حلمي والله بسيط محتاجشي لحد ابقي سعيد

وارمي ورايا سنين تخبيط واعيشلي يومين فرح وروقان

امتي يا دنيا تحني وترقي علي الغلبان
انا مش طالب النجم العالي ولا قمر الزمان


نفسي الاقي الدنيا بخيرها والناس ترجع لضمايرها

نفسي الاقي الدنيا ميزانها متجيش اووي علي الغلبان

ليه ميكونش ما بيننا موده يالا نسامح جرح وعدى

نفتح صفحة جديدة لبكره وننسي اللي جرحنا زمان


امتي يا دنيا تحني وترقي علي الغلبان

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات