حبيبي شبيك

حبيبي شبيك ليش مجافي وياي
وصفه حبك علاج وهم دوه لكلبي
وكمت انسه الجرى والسده عليه وصار
من ظيم وظلايم صارت بعمري
ونسيت هموم صارت من زمان بعيد
من عرفتك وصارت ماضي ويمضي
ولأن قبلك جنت متكئب ومحزون
ومتوقع الحزن ماينتهي لقبري
ولأن صبري خلص والدنيا ضاكت حيل
وبس الباري وحده يعلم ويدري
صبح مقفوص كلبي من الفرح محروم
وحتى الفرح عنده دموع بس تجري
وعشت مأساة عمري من الزغر حبيت
بس من نظره وحده ويافكر فكري
كضيت سنين عمري اتنطر المحبوب
وانه عندي علم ميصير من حظي
صح اسمر وجه بس ابيض اني شلون
وحته الثلج يمكن داخ من وصفي
لان بعض الثلج لون السمائي البيه
وانه ابيض بياضي ناصع ومخفي
قصدت لب الكلب والشيب المغطيه
قبل عشرين عمري من الزغر شيبي
لاصبغ الينفعه لافلك لاتشقير
وتعيرني الشماته بلوني وبضيمي
يكولون الشعر لوشاب اجاك الموت
هلا بجيته صحت ومحضر هدومي
جفن حته اشتريت وحضرت تابوت
او وصيت الوصيه وكمل مكتوبي
كتبت قبل النجف ودوني للمحبوب
للبصره انتعنه انودع عيوني
اودع الماشفت طوله وأبدمالاح
وجهه لناضري ولاضنته ضنوني
لان زعلان مني وزعله مكلف حيل
بس يرضى علي ياناس دلوني
وخلوني على بابه مجفن ومطروح
ومن تراب جدمه اخذو وادفنوني
لان هذا التراب بيه ريحة المحبوب
من اشتاق اشمه وأنسه مدفوني
وبعد الموت احبك وتعرف انته الموت
ينسيني هلي كل ناسي صحباني
انسه كل هلي اصحابي والاحباب
لجن ماانسه حب رجعلي وجداني
وتصدك اعوفك مخبل انته شبيك
ومن وره حجايه حجيت وكلت بلساني
بس كلي شنو هالكلمه يامنواي
وشرط بيدك تكصه مرخصك اني
بسبب عندي حبيب سابقآ بس راح
وصدكني نسيته وكتله ينساني
لو من طرف واحد من كلت حبيت
صحيح وادري بيك تحب شخص ثاني
شتسمي الوكت ياملك من تكضيه
ويه شخصآ تحبه وانته تعاني
تظل تكضي وكت وتقتنع نفسك بيه
بس تبقه الحقيقه المره شي ثاني
وعد مني (....)راح اظل للموت
ولو ميت كلتلك راح اظل اني
لون كبري نزلته والدود اكلني وراح
اكتب على العظم محبوبي خلاني
لان هاي الجمل تنفع لكل مظلوم
وربك ارحم ورحمته عنواني

سلمت يمينك على ما نثرت من رقي و إبداع
أتمنى لكـ دوام التألق و التميز
تقديري يسبقه إحترامي

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

-










سلمت الأيادي ..
ويعطيك العافية لـ جمال الآنتقاء
لروحك جنائن الورد.

انتقاء جميل ومتميز
بوركت الاكف للجلب الرائع
عميق الود

انتقاءك جميــل
يعطيك العافيه يارب , ع الموضوع ! دمت ودام ابداعك
ودي