ما يسوى السهر كل واهس بعيني

ما يسوى السهر كل واهس بعيني
ولا يدري النجم چم ليل عافه ونام بسنيني
حيرانه شكثر چي من عبرت الطيف
مدري شصاحني وفزّت نياشيني
ندمانه شكثر چي ما گلت للنار
ماي اهلي الطِفاچ اكثر يچوّيني

وحبايب گلبي چذابين
وآنه غيوم ماتندل سماها منين
كل ماگول هاي الگاع تشبهني
اطيح وماتلاگيني
ويرد فشلان بچفوفي الورد والطين
وارد لزغري ادوّر شوگ مدري منين
يلچمني شوكت ما فرحت عيوني
وإيحوّل ضحكتي اونين
وتلگاني امي حفنة شيب وتگلي شبابچ وين ؟
امي التدري شمضيعه گبل لاگول
تنشدني شبابچ وين؟!

واتلفّت وماالگاه
وتگلي العمر بس نلتهي يغادر
وكلشي يچلب بمگفاه
العمر يبنيّه مامش كل عزيز اوياه

واگلها انتِ الأعز وتميل شيلتها
وتضحكلي ولو مرات تطلع ضحكه بچيتها
وتروح وتظل يمي سوالف من عبايتها
واگل لوكتي لو ترجع فلا حبيت
چا ظليت بس بتها
لاشفت الهوى بيا لون
لا ضگت الربيع بشوگ
لا حسيت زيجي بغير ريحتها

ولا گلبي التگه بهمه
امن اهد ما حرّك ثيابي الهوى وغنيت
نجمه تگودني لنجمه
وينشدني الگمر هذا الغيار منين ؟
وارد لغطاي مااعلمه
مثل عناد محبوبي الوجع بالروح
شمد من ايدي مالزمه
كون اندل الگادو شوفي ودوه وين
چا لميت عمري امن الصور لَمّه
وكون ادري الصدگ وكت المنام يموت
چا خليت كلمن طينته بحلمه

ورحت لأبعد صبح عنهم
گبل لا تگعد عيوني ويردها الشوگ افارگهم
اطيحن خيط من چماغ وي فزّة عشايرهم

واگوم اويه النسيم بساع
گبل لا تفطن العادات وتطفي الحلم لو شاع
كون ادري بحلاتي تروح بين المايرد والضاع
چا ظليت بإسمي الفوگ مالي اويه الحدر كل گاع.

نص انيق ويليق بذوقك .
لذا شكراً بعمق الجمال , وهيبـة ذووقك
سلم لنا هذا المكنون المُمّيز
اسعدك الله , و لك الشكر أبدًا وَ مددًا ..
كل الــود و التقدير لشخصّك

سلمت الايادي

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد ومواضيعك الرائعة والجميله
ودائما في إبداع مستمر

يسسلم ديااتك علي الطرح الجميل

طرح رائع
طرحت فابدعت
دمت ودام عطائك

لك خالص التقدير والاحترام