يا دار مريتك

يــادار مريـتـك وأنـــا مـبـطـيٍ عـنــك
علمـي بشوفـك يــوم الأيــام هـاذيـك



يـــوم إن ربـــي بالطبـيـعـه مـزيـنــك
وحـنـا نـسـج أقدامـنـا فــي منـاهـيـك



نـبـنـي كـبــار بيـوتـنـا فـــي دفـايـنــك
ونصـيـد غـزلانـك ونـطــرد حـبـاريـك



وعقب الجفاف اللي شهابـه مشينـك
يضيـق صـدري كـل ماجيـت ناصـيـك



عـسـى مـراويـح السـحـايـب تلـيـنـك
عقـب الحفـاف اللـي أعـوام واطـيـك



ضـلـع الينـوفـي برغـبـاه متحـضـنـك
ومن غرب كن هضاب سفوه تناديـك



وسلـطـان يــوم إنــه للأنـظـار بيـنـك
ذكرنـي اللـي قـد مضـى مــن ليالـيـك



وحاشتني العبره عسى القوم تسكنك
وتفـتـحـت بـيـبـان صـــدرٍ مصـاكـيـك



وغازي ذكـر لـه نبـذةٍ عـن محاسنـك
يـوم إن ربـي مــن عطـايـاه معطـيـك



يوم إن أبوفيحان مضفٍ على أيمنـك
مـهـابـةٍ تـكـسـي سحـيـلـه وتكـسـيـك



وأبـو سـعـود الـلـي يـقـدي ضعايـنـك
ويتيـه البـوش العفـر فــي مضامـيـك



واليـوم يـادار الشقـاء مكسبـي منـك
تكـديـرة الخـاطـر لـيـا جـيـت ناصـيـك


ماعـاد أبـي شوفـك ولاعـاد أواطنـك
وأبـــو زنـــاده بـــاركٍ فـــي مثـانـيـك

تسلم الأيادي الماهـــرة
كل الشكر لجمال هذا الانتقاء
سلمت يمينكم وبورك هذا التميز
ارق التحايـــــا لكم واطيب الأمنيات

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

سلمت كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
لقلبك الفرح

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي

يعطيك الف عافيه
دمت ف سما عشق


،*