انا مجبرك فيني

مدخل :/



ياللي مكانك داخل العين ماطاح
ياكثر مالك من غلا في ضميري


ادري معي ماذقت بيامك افراح
و لا تنفّسة الهوا من عبيري


من شفت عينك دمعها منها ساح
صار الحزن برض السعاده سفيري


حقك علي لو عشرتي ,, ضيق واجراح
واسف بعد ,, كاني حسبتك عشيري


بروح مادامك معي مانت مرتاح
عساك تتهنى مع انسان غيري













حبيبي كان في نفسك بعد حلو السنين تروح
انا مجبرك فيني ,, لاني مقدر اجبرك فيني


احبك ,, والطريق اللي ,, توده ,, اسلكه مسموح
اذا كان الهجر يرضيك ,, انا مو شرط يرضيني


ترى باب الغياب اللي قفلته بالوصل ,, مفتوح
متى حبيت تتركني ,, توكل ,, واترك ايديني


انا من قبل اعرفك كنت من موس الزمن مجروح
عسى الله من جروح الوقت ,, وجروحك يعافيني


فقدتك من قبل لافقدك من شفت الامل مذبوح
على يد السنين اللي سرت ماكنها اسنيني


طموحي عاش متألم من الدنيا ,, بدون طموح
ما انت اول ولاخر شخص حبيته يخليني


ترى المجروح وان خبا شعوره بالخفا ,, مفضوح
مثل ماشوف من عيني ,, تشوف الضيق من عيني


مصير الطيب من عودي على نار الجروح يفوح
كثر مايحترق ,, واجب ,, يبيّن زيني وشيني


ماقول الا اذا ودك بعد حلو السنين اتروح :
جرحني بالغلا غالي ,, كثر ماكان يغليني

تميز الانتقاء والطرح
الراقي ..
دام عطائك المميز
لك مني ارق التحايا

يعطيك الف عافيه على الطرح الرائع
لاحرمنا منك
ولا من ابداعك
بآنتظار جديدك المتميز
دمت بسعاده

سلمت يداك على الطرح الراقي
جزاك الله خيرا وبارك الله فيك
لك اعجابي وتقديري

يعطيك العافيه على الطرح
وسلمت اناملك المتألقه لروعة طرحها
تقديري لك

سلمت اناااملكم لجمال ما نزف به قلمكم.
لكم باقه من الورود لهذا الجمال
كل الإحترام والتقدير لكم على جمالية حروفكم
اتمنى لكم المزيد من التالق والتميز
في انتظار كل جديدكم القيم
دمتم بسعاده لا تغادر ارواحكم