يطرق ضمير المحبه ضيف ماهو غريب

يطرق ضمير المحبه ضيف ماهو غريب
عاداته القلب له مسكن وصدري ممر

جعله شروقٍ يطول مايجي له مغيب
والظل ممدود في صدري ليوم العمر

والصدر للناس وانتي مالك الا النصيب
وان قلتي ابغى نصيب القلب تحت الامر

ليه الغرابه بعد شفتي جداره عطيب
غيابك اللي سبق دمّر فوادي دمر

لا مروا الناس قالوا صدر ماهو رحيب
اثر الرحابه لها سقيا وعرق وثمر

في سقفه يلوح برق وفي جنوبه هبيب
واليوم ينبت زهر واليوم طالع قمر

تفضلي والعواذل كلهن في نحيب
يابعدهن كلهن من بيض والا سمر

ماعاد ابحتاج وينك دام طيفك قريب
ولاعاد فيها وعود ولا دقايق جمر

لبى الغنج والدلع والذايبات الهذيب
لبى القوام المعتق والورود الحمر

ولبى الكلام المحلّى واللسان العذيب
ولبى شفاةٍ عليها ورد مدري خمر

في ماضي الوقت كان اصله شعير وزبيب
واليوم عندك ماهو من خل والا تمر

في وجهها للغناء رسم ومقرٍ عجيب
وفي خصرها للفقر قصة وقسوة عمر

يا مذير الريم واللي يقنص الريم ذيب
والذيب ياخذ نصيبه لو وقف له نمر

احلام ليل الهواوي كل ابوها تخيب
اتعب عيونه سهرها لين راحت حمر

يظنها كل ليل تصيب عجزت تصيب
مشى ووقف بوجهه حجز ماينطمر

وكتب بقايا حنينه ف الجدار الكئيب
انا وانا والعناء يالين كفه ضمر

-












سلمت الأيادي ..
ويعطيك العافية لـ جمال الآنتقاء
لروحك جنائن الورد .

يعطيك الف عآفيه على الطرح الرائع..
لاحرمنا منك ..آبدآ..ولآمن ابدآعك..
بآنتظار جديدك المتميز.
دمتم بسعآدهـ .

منورين بمروركم العطر

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد ومواضيعك الرائعة والجميله
ودائما في إبداع مستمر

انتقاءك جميــل
يعطيك العافيه يارب , ع الموضوع ! دمت ودام ابداعك
ودي