أكبر قهر

أكبر قهر


أكبر قهر لا جيت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنٌيـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهي على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم ولسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك

وإن كنت فيما قلت مخطي وغلطـان
أترك خطانا وأنـت عطنـا صوابـك

~







سلمت كفوفك ،
لطيب الجهد وَ تمُيز العطاء ،
لاحرمنا الله روائِع مجهوداتك ،
لقلبك الفرح ,~

سلمت الأيادي ..
ويعطيك العافية لـ جمال الآنتقاء
لروحك جنائن الورد .

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

طرح يفوق الجمال
كعادتك إبداع في صفحآتك
يعطيك العافيه يارب
وبإنتظار المزيد من هذا الفيض
لقلبك السعادة والفرح
ودي..

انتقاء غــــــــاية في التميز والــــــــــــــــــــرقي وجهد رائـــــــــــع
سلمت الايادي لاعدمنا هذا العطاء ينبوعا للنقاء
دمتم ودام تألقكم
تحيتـي وخالص الود والتقدير لكـــــــــــــــم