يالحون العود

يا لحون العود ☆•

يالحـون العـود والا يامجاريـر الربابـة
اختلف معنى القصيد وضيـع الفنـان فنـه


حلم مدري علم مدري نوض برق في سحابة
أثرها طلة جبينـك يـوم زاح الليـل عنـه


اقبلت مثل الفرس لسمعت طبـول الحرابـة
مقتفيهـا ليـل أسـود والنجـوم يفرقـنـه


النهار يمـر ويعـدي وليلـه فـي اعقابـة
النحـر صبـح تجلـى و الجدايـل كنهنـه


مخمل يلتف فـوق الجيـد الاتلـع بالنيابـة
عن سلاسيل الذهب والماس خوف يجرحنه


غاب عني والوله خلاه عندي فـي غيابـة
مادرى أن فرقاه نـار ودراى لامـاه جنـه


ياوجودي وجد من صفق على ماضي شبابة
بان شيبه والسنيـن اللـي يبيهـن خالفنـه


غرته خضر السنين وراح عمـره مادرابـة
غررنـه ورفعنـه ليـن سـج وحولـنـه


وياوجودي وجد عود لا عيـال ولا قرابـة
ما جـداه الا يـون ويـردف الونـه بونـه


لا لقى فزعة رفيـق ولا دعـاة مستجابـة
كل ماأمسى له بظـن خيبـت الايـام ظنـه


وياوجودي في غياب الي نزعح و الله جابة
صح فرض الله فرض وسنة الرسول سنـه


الغلا جسم رقيق ومرهف احساسـي ثيابـة
مثل غصن الورد يوم ان الهبايـب يطربنـه


مازرعت الا غلاه ولا جنيـت الا صوابـة
والحشا ماضاق من خضر الطعون المستكنه


ياحبيبي مازها كف الخضـاب الا خضابـة
فيه نظم المفـردات وفيـه للعشـاق عنـه


الظبي مالـه شبيـه وبينـك وبينـه تشابـة
التفت بشويش وألقى فيه منك وفيـك منـه


خالقك من فضل محمد على كل الصحابـة
وسخرك مثل المهار الى تسخرهـا الاعنـة


والثنا والشكر للى رحمتـة تسبـق عذابـة
لا لخلـق الله فضـل و لا لخلـق الله منـه

قاله اللى مـا خـذا ممـا يريـد الا هبابـة
خيرة الفارس .... خيـل صفـرا مستعنـة