الفرح جاى فما تقلقوش

الفرح جاى فما تقلقوش.....
ولا تشتكوا م الإنتظار
طول عمره كان بالشكل دا...
بيجي نهار... ويغيب نهار
بيسيب مساحه للوجع...
و الحزن ياخد حصته
غاوي الهزار... كيفه الدلع...

وبيشكي سنه وصحته
فما تقلقوش
وان عدة وانت ماشوفتهوش...
العيب عليك... انت وعينيك
اما الفرح مالهوش عيوب...
في كل مجلس له مكان
د الوقت او كان من زمان...

انا شوفته مره وكان ملان
داخل منشن علي القلوب
فما تقلقوش
الفرح جاي هيروح لفين...

مالهوش طريق غير من هنا
تملى بيمشي علي اليمين...

ساند علي كتف الهنا
لَابس عبايته ومنتشى...
لا همة دا ولا كل شئ
عمره ماخاف ولايختشى...

غير م العشم او م المُنى
فما تقلقوش
لكم كل تحياتى وتقديرى
الدكتور علـى