مأمون النطاح - يسعد صباحك

مأمون النطاح - يسعد صباحك

يسعد صباح اللي نحبه ونغليه
تفتح عروق النفس شوفة جبينه

لا هب نسناس الهوى من حواليه
تسكن خفوقي من شذاه الســكينة

من يوم ما شفته وانا حاير ٍ فيه
غرنوق لكن علــــــ بشر حاسبينه

اعشق سواليفه واراقب خطاويه
واخشى على حالي من سهام عينه

يطرا لي صوته والتفت ما الاقيه
منوى يميني تنفتل في يمينه

مشغول فيه وشاغلتني حكاويه
ولا مر بعيوني بشر مثل زينه

آية حسن سبحانه اللي مسويه
لا اهل البدو في حسنه ولا المدينة

وان باعني بالرخص بالروح شاريه
قربان روحه يا جِعِلْني دفينه

انا الفرات اللي تحده مباديه
وانا الأمين اللي تعرفه سنينه

واللي فضح عيبي انا كنت اغطّيه
دورة زمن ما عاد يندى جبينه

واللي كنت دايم اعبره واقدّيه
صكّ الردا بابه وكتّف يدينه

ما وجدت الدنيا تلبّي هقاويه
ولا خلقت الوادم على راحتينه

واللي نسى المعروفِ يوم ٍ انا أعطيه
ما اثّر بطبع الهِزِبْر وعرينه

عوّدت انا لجله ويا كُثر اباريه
شوق الكهيل اللي توحّش جنينه

وان كان كثر الهرج يا صاح يشقيه
هذا هوى قلبي ... وهذا ونينه