إعذريني لو كتبتك كل يومٍ في قصيده

إعذريني لو كتبتك كل يومٍ في قصيده
وإعذريني لو جمعتك حتى صرتي لي أماني

واعذري طيفي وجيْتَه ضمن أحلامٍ سعيده
مال قلبي وانتهينا ياورق غصنه دعاني

ياورق قل للأيادي والقلم مني وريده
والعيون اللي مناها شوفة أحزاني تباني

نور وجهك في حياتي كافي لحزني يبيده
والحلايا من شفاتك فرحها يملى المحاني

إنتهينا؟ مانتهينا.. باقي أشواقي وقيده
باقي إحساسي لقلبك ما شرح كل المعاني

انتِ عمري وانتِ روحي يابهى الدر الفريده
إبتدى عد الثواني في رجى قلبك وزاني

إنتهينا؟مانتهينا.. باطلق الإحساس قيده
يعزف احروف الأغاني والمحبه والحناني

المشاعر في حضورك كنّها عقدٍ وجيده
مالها أيّاة قيمه يوم تقسى أو تعاني

إنثري نجم الثريا في ظلامي ياعنيده
وانزلي من فوق حزنك عرشك المبني غزاني

دثريني زمليني من قسى البرد وجليده
إفهميني. قبل أسمع منْك تعذيب الزماني